Cefalea, buksizmi dhe OSAS. Zbulohet lidhja mes tyre

Nëse cefalea muskulo-tensive është dhimbja më e zakonshme e kokës, OSA-ja (apnea obstruktive e gjumit) dhe bruksizmi janë dy nga çrregullimet më të zakonshme të gjumit. Edhe pse janë të paktë studimet që kanë hulumtuar lidhjen që ekziston midis këtyre patologjive.
Cefalea muskulo-tensive prek afërsisht 26% të popullsisë, gjë që e bën atë një nga sëmundjet neurologjike më të shpeshta.

Etiologjia e saj nuk është plotësisht e qartë, por shpesh flitet për çrregullime psikologjike, faktorë gjenetikë, tension muskulor, përgjigje jonormale të neuromodulatorëve të trurit që sipas vlerësimeve të fundit prekin 56% të popullsisë së botës.

Sëmundjet bashkëshoqëruese (hipertensioni, iktusi, aritmitë, sëmundjet koronare të zemrës, sindroma metabolike) përfaqësojnë një barrë serioze ekonomike për shoqërinë globale.

Në bruksizmin e natës vërehet rritje e aktivitetit të muskujve masetues me kërcitje të mundshme të dhëmbëve. Ky aktivitet i shtuar mund të jetë ritmik (FAZIK) ose joritmik (TONIK). Incidenca e tij në popullatë varion nga 10 në 13%, me prevalencë në subjektet e rinj krahasuar me të rriturit pavarësisht nga gjinia.

Etiologjia e tij është multifaktoriale (duhani, alkooli, stresi, predispozicioni gjenetik). Për diagnostikimin e tij sot përdoret STAB (Mjeti i Standardizuar për Vlerësimin e Bruksizmit) dhe konfirmimi jepet nga PSG i cili demonstron rritje të aktivitetit të muskujve përtypës. Ka sëmundje të ndryshme shoqëruese si refluksi gastro-ezofageal, sëmundja e Parkinsonit, epilepsia, etj.

Në një studim të botuar në Journal of Clinical Medicine, i kryer nga Universiteti i Krakovit, është bërë një përpjekje për të vlerësuar fillimin e OSAS dhe bruksizmit të natës te pacientët që vuajnë nga cafalea muskulo-tensive.

Autorët identifikuan 108 pacientë (52 burra dhe 56 gra), nga të cilët 34 ishin të prekur kishin dhimbje episodike koke dhe 74 të tjerët ishin në grupin e kontrollit. Të gjithë iu nënshtruan polisomnografisë dhe ekzaminimit radiologjik të trurit (CT ose MRI).

Rezultatet e studimit
a) Bruksizmi i gjumit nuk është një faktor rreziku për zhvillimin e cefalesë muskulo-tensive, edhe në manifestimet e saj më të rënda. Në fakt, nga rezultatet e studimit, u vu re se te subjektet me dhimbje cefalea muskulo-tensive, episodet e bruksizmit fazik ose tonik ishin më pak të shpeshta se te pacientët e grupit të kontrollit. Një tjetër fakt që del nga studimi është se rreziku i shfaqjes së bruksizmit të gjumit te pacientët që vuajnë nga cefalea muskulo-tensive tenton të ulet me rritjen e moshës, duke qenë më i madh në moshën pediatrike (50%) krahasuar me atë në moshë të rritur (25.3%). Nga ana tjetër, si bruksizmi i zgjuar (i përcaktuar si një aktivitet i muskujve përtypës gjatë jetës së zgjuar, i cili karakterizohet nga kontakti dentar i përsëritur ose i zgjatur) ashtu edhe lidhja midis bruksizmit të gjumit dhe TMD (Çrregullimi Temporomandibular) janë faktorë predispozues.

b) OSA-ja nuk është një faktor rreziku për cefalean muskulo-tensive: në fakt, në studim nuk u theksua asnjë korrelacion i rëndësishëm midis ashpërsisë së OSA-së dhe pranisë së cefalas muskulo-tensive. Cilësia e gjumit, e vlerësuar duke marrë parasysh strukturën e tij në PSG, nuk ishte e ndryshme midis dy grupeve të studiuara. Sigurisht, të dhënat kontradiktore që dalin nga literatura kërkojnë që studimi i marrëdhënieve midis OSAS-së, bruksizmit të natës dhe cefaleas muskulo-tensive duhet të jetë më i thelluar.

Për më shumë informacion:

Sleep Bruxism and Obstructive Sleep Apnea Are Not Risk Factors for Tension-Type Headache (TTH): A Polysomnographic Study. Bart³omiej B³aszczyk, Helena Martynowicz, Piotr Niemiec, Jakub Przegra³ek, Martyna Staszkiewicz, Anna Wojakowska, S³awomir Budrewicz and Marta Waliszewska-Prosó³.