Shëndeti oral te gratë në menopauzë

Gjatë periudhës së menopauzës gratë përjetojnë ndryshime hormonale që mund të cilat mund të shkaktojnë implikime të rëndësishme dentare. Rënia e estrogjenit dhe progesteronit, tipike të kësaj faze, kanë efekte të rëndësishme në shëndetin oral, me pasoja që kërkojnë menaxhim specifik nga dentisti dhe higjenisti dentar.

Një studim i publikuar në Journal of Oral Rehabilitation ka analizuar efektet e menopauzës në shëndetin oral, perceptimin e shijes, zakonet e të ngrënit, statusin nutricional dhe mirëqenien emocionale te gratë në post-menopauzë. Nëpërmjet krahasimit të një grupi grash në post- menopauzë (PMW) me një grup tjetër në pre-menopauzë (PrMW), studiuesit zbuluan disa ndryshime të rëndësishme që ndikojnë drejtpërdrejt në shëndetin oral.

Ndryshimet në shëndetin oral gjatë menopauzës

Gjatë menopauzës, mungesa e estrogjenit dhe progesteronit shkakton një sërë efektesh negative në trup, duke ndikuar drejtpërdrejt edhe në shëndetin oral. Te gratë në post-menopauzë është vënë re një rritje e kushteve të tilla si kaviteti dentar, periodontiti dhe humbja e dhëmbëve. Këto probleme lidhen me reduktimin e trashësisë së mukozës orale, uljen e densitetit mineral kockor dhe ndryshimet në biomën orale. Një nga faktorët kryesorë ka të bëjë me pakësimin e sekretimit të pështymës, duke ndikuar negativisht në shëndetin periodontal, duke qenë se indet orale përmbajnë receptorë estrogjeni, funksionimi i të cilëve rrezikohet nga mungesa hormonale. Gratë në menopauzë mund të përjetojnë një reduktim të rrjedhës dhe përbërjes së pështymës, duke çuar në më pak mbrojtje nga bakteret dhe sëmundjet e tjera orale.

Rezultatet e kërkimit

Studimi zbuloi se gratë pas menopauzës kanë më pak dhëmbë natyralë sesa gratë më të reja në moshë. Dallime të rëndësishme u shfaqën gjithashtu në perceptimin e "zgjatjes së dhëmbëve anterior" dhe në mënyrën se si gratë në post-menopauzë i perceptojnë ndryshimet e temperaturës (të nxehtë dhe të ftohtë). Megjithatë, nuk u vunë re dallime relevante në lidhje me statusin nutricional, emocional dhe perceptimet e shijes.

Përfundimet dhe implikimet klinike

Ndërsa rezultatet e studimit nuk tregojnë një ndikim të rëndësishëm të menopauzës në shëndetin e përgjithshëm oral, humbja e dhëmbëve dhe ndryshimet në perceptimin ndijor theksojnë se disa gra mund të jenë më të prekshme ndaj problemeve specifike orale gjatë kësaj periudhe. Prandaj, menopauza mund të ndikojë në një rënie progresive të shëndetit oral, megjithëse në mënyrë indirekte dhe përmes plakjes natyrale. Është e nevojshme të vazhdohen kërkimet në këtë fushë për të kuptuar më mirë korrelacionin midis shëndetit oral dhe menopauzës.

Për më shumë informacion:

Evaluation of oral health, taste perception, nutritional status and emotional well-beingin post-menopausal women. Kumar Sumit, Khanna Vikram, Mitra Rajlaxmi, Patil Ranjitkumar, Grigoriadis Anastasios, Kumar AbhishekJ Oral Rehabil. settembre 2024;51:1833-1838.