Gengivat e shëndetshme. Ja, rekomandimet në lidhje me ushqyerjen

Shoqëria Italiane e Periodontologjisë dhe Implantologjisë (SIdP) ka publikuar së fundi disa rregulla "DIY" që secili prej nesh duhet ti ndjekë në mënyrë që të ketë dhëmbë dhe gengiva të shëndtshme.

SIdP i kërkon të gjithë njerëzve që të kujdesen për shëndetin e tyre oral edhe gjatë periudhës së pushimeve dhe për ta bërë këtë përveç furçës dhe pastës së dhëmbëve apo manovrave të zakonshme që janë të nevojshme për higjienën në shtëpi, ata propozojnë edhe një dietë që mund të reduktojë me 40% inflamacionin gengival.

"Hapi i parë dhe më i rëndësishmi është që të përmirësohet dieta" - thonë nga SIdP - "duke shtuar, në menu 'ushqime miqësore' si specat, rukola, vezët, skumbri, ribes dhe ananas, sepse këto ushqime mund të reduktojnë me 40% inflamacionin gengival për një apo dy muaj duke bërë të mundur që në brenda një kohe të shkurtër të rikthehemi me dhëmbë dhe gengiva plotësisht të shëndetshme".

"Ndryshimi i ushqimit është i pari në rregullat e self care që duhet mbajtur mend gjithmonë nga të gjithë pacientët, në fakt ekzistojnë ushqime 'kurative' për gengivat, dhëmbët dhe implantet dentare, falë vetive të tyre antiinflamatore, antioksiduese, antibakteriale dhe rregulluese të përgjigjeve imuntare" - thotë Luca Landi nga SIdP, - në verë është veçanërisht e thjesht që të pasurojmë menunë e përditshme me ushqime të dobishme për dhëmbët dhe gengivat: vitamina C që gjendet te speci, rukola, kivi, ribes dhe ananasi për shembull është një antioksidante e fuqishme që mbron qelizat duke favorizuar rigjenerimin e indit lidhës.

Vitamina D që përmban skumbria, toni, salmoni, karkalecat, midhjet dhe kërpudhat favorizon shëndetin e kockës e të dhëmbëve dhe ka veti antibakteriale në modulimin e përgjigjes imunitare, vitaminat A, E dhe kompleksi i vitaminës B janë antiinflamatorë të fuqishëm dhe pothuajse një mjekim për sëmundjen periodontale; resveratroli që gjendet te rrushi, vera apo edhe te mollët dhe kikirikat është studiuar për parandalimin e sëmundjes periodontale. Bëhet fjalë për ushqime të vërteta, që ruajnë shëndetin e zgavrës orale: antioksidantë dhe yndyrna të insaturuara vegjetale apo të peshkut që kanë një efekt të shkëlqyer anti-inflamator, në të kundërt një dietë e pasur me yndyrna favorizon inflamacionin, duke amplifikuar efektet e sëmundjeve kronike si periodontiti, e njëjta gjë ndodh edhe nëse e ekzagjerojmë me sheqernat.

Modifikimi i dietës, duke reduktuar yndyrnat dhe sheqernat e përpunuar e duke shtuar konsumimin e perimeve, frutave, peshkut dhe frutave të thata, pas 4-8 javësh mund të sjellë reduktimin me mbi 40% të inflamacionit në nivelin e gengivave. Studimet më të fundit indikojnë një influencë edhe të suksesit të implanteve dentare që, duke u integruar me kockën përthithin të gjithë nutrientët që kanë efekte edhe në skeletin human.

"Rregullat DIY për mirëqenien e dhëmbëve dhe gengivave nuk kufizohen në një përmirësim të dietës: në fakt një stil jete i shëndetshëm mban nën kontroll inflamacionin e përgjithshëm dhe redukton probabilitetin e periodontitit dhe shqetësimeve gingivale", kujtojnë ekspertët.

"Duhet të kujtojmë edhe që higjiena orale nuk shkon me pushime, ndaj një përdorim i saktë i furçës dhe pajisjeve të tjera të higjienës si filli interdentar apo furça interdentare janë thelbësore. E njëjta gjë vlen edhe për vëmendjen ndaj normave higjienike: larja e shpeshtë e duarve vijon të jetë e domosdoshme", përfundon Landi.

Së fundi, një rregull thelbësor: Njohja e simptomave të sëmundjeve gengivale është vendimtare për t'i përballuar sa më mirë.

Më poshtë janë 7 këshillat për kujdesin vetjak që SIdP ka lancuar për pacientët në lidhje me shëndetin e dhëmbëve dhe gengivave:

1.Të përditësohemi: sëmundjet gengivale janë të shpeshta ndaj është e rëndësishme që të dimë të njohim simptomat;
2.Të rekuperojmë mirëqenien psiko-fizike, me ndonjë ditë pushimi për të zvogëluar stresin.
3.Të lëvizim: është e mjaftueshme që të kryejmë gjysmë ore në ditë një aktivitet, duke filluar nga ecja deri te kërcimi
4.Të lajmë duart: është mirë që të ndjekim norma rigoroze higjienike edhe nëse kalojmë më shumë kohë në mjedise të hapura.
5.T'i themi lamtumirë zakoneve të këqija si duhanpirja apo konsumimi i tepërt i alkoolit.
6.Të hamë shëndetshëm, duke vendosur në tavolinë fruta, perime dhe peshk.
7.Të marrim me vete furçën kudo shkojmë, sepse higjiena orale nuk duhet të shkojë kurrë me pushime!