Higjiena orale. Dekalogu për një buzëqeshje perfekte

Goja jonë është shumë e populluar. Mbi 300 lloje të ndryshme bakteresh jetojnë në saj dhe shumohen pa pushim për shkak të natyrës së mukozës: të lagësht dhe të ngrohtë. Ata ushqehen me mbetjet e asaj që ne hamë. Në pjesën më të madhe ata kryejnë aktivitete të dobishme për funksionimin e duhur të trupit. Për shembull, ato kryejnë një funksion mbrojtës dhe na mbrojnë nga bakteret e jashtme, bartës të mundshëm të sëmundjeve dhe infeksioneve që mund të kenë pasoja në organe të tjera. Por, në mesin e kësaj popullate të madhe ka edhe baktere "të këqija".

Higjiena orale

Higjiena korrekte dhe e përditshme orale, së bashku me disa stile jetese (ushqyerja e shëndetshme dhe e ekuilibruar), janë thelbësore për mbajtjen e gojës të pastër, ruajtjen e shëndetit të dhëmbëve dhe gengivave dhe kufizimin e shfaqjes së sëmundjeve. Përdorimi i furçës së dhëmbëve, fillit dentar dhe kontrollet periodike te dentisti dhe higjenisti dentar (çdo 6/12 muaj) janë të rndësishme, por nuk mjaftojnë. Higjiena orale është e rëndësishme për mirëqenien e përgjithshme. Është një trajtim parandalues që kërkon masa paraprake të dobishme. Shoqata Italiane e Periodontologjisë dhe Implantologjisë (Sidp) ka hartuar një dekalog specifik: 10 rregulla që duhen ndjekur nga të gjithë për higjienën e përditshme orale.

• Lani dhëmbët të paktën dy herë në ditë, 20-30 minuta pas ngrënies, për të paktën 2 minuta. Kjo parandalon formimin e pllakave bakteriale.
• Lani mirë edhe zonat e brendshme të dhëmbëve. Nëse keni dyshime, mund të përdorni detektorin e pllakave.
• Kur përdoret si duhet, furça elektrike e dhëmbëve është më efikase se ajo tradicionale. Preferohen ato me qime të buta.
• Përdorni fill dentar ose furçë interdentare çdo ditë për të hequr pllakën dhe grimcat e ushqimit që mbeten midis dhëmbëve tuaj.
• Në rast të tharjes së gojës ose djegies së mukozave, është e dobishme të përdorni gargarë dhe xhel specifikë.
• Mbani një dietë të shëndetshme, duke kufizuar marrjen e ushqimeve me sheqer midis vakteve. Abuzimi me sheqerin shkakton prishjen e dhëmbëve. Për më tepër, këto ushqime dëmtojnë smaltin për shkak të acideve që përmbajnë. Bëni aktivitet fizik të rregullt.
• Në përgjithësi, në higjenën e përditshme orale, preferohet përdorimi i furçave të dhëmbëve me qime të buta: qimet e mesme ose të forta mund të dëmtojnë mishrat e dhëmbëve dhe smaltin e dhëmbëve. Furça e dhëmbëve duhet të ndërrohet çdo 3/4 muaj. Me përdorim, qimet përkulen dhe konsumohen, duke humbur aftësinë e tyre të pastrimit. Ndryshe nga sa mendohet, nuk rekomandohet mbrojtja e furçës së dhëmbëve me kapak plastik: në fakt, lagështia favorizon përhapjen e mikroorganizmave. Mbulesa duhet të përdoret vetëm në raste transporti.
• Së fundi, mos fërkoni fort përpara dhe mbrapa, dhe trajtoni të gjitha sipërfaqet e dhëmbëve tuaj, duke përfshirë pjesën e pasme dhe anash. Pozicioni i furçës është gjithashtu i rëndësishëm. Duhet të vendoset në një kënd prej 45 gradë drejt mishrave të dhëmbëve. Kjo do ta bëjë më të lehtë fshirjen e baktereve dhe pllakës, atij filmi ngjitës e të pangjyrë që krijohet dhe mund të shkaktojë prishje të dhëmbëve dhe sëmundje të mishrave të dhëmbëve. Nëse nuk hiqet, një pjesë mund të ngurtësohet nën vijën e mishit të dhëmbëve dhe të irritojë mishrat e dhëmbëve.