Parandalimi dentar dhe diabeti. Check-up të rregullt dhe ekzaminime, këshillat që duhet t'i jepen pacientëve

Raporti midis infeksioneve të zgavrës së gojës dhe diabetit është gjerësisht i dëshmuar por akoma edhe sot i nënvlerësuar. Kongresi i V i Institutit Stomatologjik Toskan ka qenë okazioni për të theksuar patologjinë orale dhe atë sistemike.

"Infeksionet e gojës janë studiuar sot me shumë kujdes pasi nëpërmjet mekanizmave komplekse mund të çojnë në dëmtime sistemike si diabeti", afirmon profesor Ugo Covani, Profesor i Mjekësisë Orale Universiteti i Pisës dhe Drejtor i Institutit Stomatologjik Toskan. "Diabeti në fakt, lehtëson infeksionet që çekuilibrojnë zhvillimin e tyre të mëtejshëm, është një raport reciprok që verifikohet në tërësinë e rasteve të atyre që janë prekur nga kjo sëmundje. Një kurë e kujdesshme e infeksioneve të zgavrës së gojës do të kontribuojë për të përmirësuar edhe terapinë. Një kapitull tjetër që duhet mbajtur në konsideratë është kardiopatia ishemike që duket se ka një raport të ngushtë me një gjendje të inflamacionit kronik të zgavrës orale".

Dy shoqata prestigjioze amerikane, kujton Covani, American Heart Association dhe American Academy of Periodontology, pra shoqata shkencore të cilës i referohen respektivisht kardiologët dhe periodontologët, ka lëshuar një deklaratë të përbashkët në të cilën dëshmojnë se si infeksioni i zgavrës së gojës mund të favorizojë fillimin e kardiopatisë ishemike dhe kura e infeksionit të radhës mund të përmirësojë edhe këtë patologji.

"70% e popullsisë botërore vuan nga patologji periodontale dhe pothuajse gjysma nuk është e vetëdijshme" shpjegon Simone Marconcini, koordinator i Grupit të Kërkimit të Institutit Stomatologjik Toskan. "Në mënyrë analoge, shumë të rëndësishëm janë numrat e diabetit: sipas të dhënave të Organizatës Botërore të Shëndetësisë, në 2030, 10% e popullsisë botërore adulte do të vuajë nga diabeti. Ndër këto lloje të ndryshme patologjish ekziston një lidhje dydrejtimëshe: pacienti që vuan nga periodontiti shkon më thjesht drejt zhvillimit të diabetit të tipit 2, ashtu si dhe ai që është i prekur nga diabeti ka më shumë mundësi që të përballet me forma të periodontitit. "Kuadri më pas komplikohet pasi ata që vuajnë nga këto patologji paraqesin një incidencë me risk më të lartë për t'u përballur me një problem tjetër, patologjinë kardiovasklare, shkaku i parë i vdekjes në botë" shton doktor Marconcini.

Check-up të rregullt te dentisti bëhen thelbësor, mbi të gjitha për ata që vuajnë nga patologji si diabeti. Çdo pacient duhet të ketë ndërgjegjësimin e duhur të rëndësisë së një kontrolli periodik për të parandaluar të gjitha sëmundjet orale: kjo do të thotë dhe një kursim në të ardhmen duke parë që parandalimi mundëson që të shmangen ndërhyrje të kushtueshme dhe invazive në vijim.

"Nëpërmjet një analize të thjeshtë të pështymës jemi në gjendje të paralajmërojmë pacientin që po futet në një gjendje vulnerabël më të madhe që e çon atë që të jetë më lehtë subjekt i zhvillimit të problemeve më serioze" vijon Marconcini. "Teknologji të reja si ozonoterapia lejojnë në një fazë të mëvonshme që të çojnë këto inflamacione në një vlerë normale, jo patologjike. Të trajtosh inflamacionin oral ndihmon dhe diabetin nga një pikëpamje e glicemisë prej 0,3%, e konsiderueshme që nuk duhet lënë pas dore, pavarësisht paraqitjes". Pacienti diabetik, në fakt, merr një sasi të konsiderueshme barnash: përmirësimi i kontrollit glicemik përfshin një reduktim në numrin e barnave, koston e tyre, efektet e tyre anësore gjithashtu dhe riskun e sëmundjeve kardiovaskulare. Si pasojë, përfiton shëndeti i përgjithshëm dhe mundësia për të zgjatur jetën e pacientit.

Përktheu: Erjola Taga