Dhimbja e shpinës dhe profesioni. Si ta parandalojmë me dy lëvizje

Puna e dentistit dhe e komponentëve të ekipit stomatologjik i nënshtrohet çdo ditë një stresi fizik dhe psikik në shkallë të lartë. Në praktikë pozicionet fikse të mbajtura nga mjekët për një kohë të gjatë, shpesh të rëndohen nga fakti se krahët qëndrojnë pezull. Kësaj i shtohet pozicioni i kokës përpara.
E gjitha kjo sjell një ngarkesë në kolonën vertebrore në një farë niveli. Deri kur arrin trupi që të kompensojë këto ngarkesa negative?
Çdo individ reagon në mënyrë të ndryshme por me kalimin e kohës mund të paraqiten dhimbje muskulore që nëse nuk menaxhohen kanë tendencën që të bëhen kronike.
Risku ndaj barnave është zgjidhja më shpesh e përdorur por nuk garanton një zgjidhje të qëndrueshme.

Çfarë mund të bëjmë për të parandaluar dhe menaxhuar ngrirjen e qafës dhe dhimbjen e shpinës që janë ngjarjet më të shpeshta me ngarkesë të shtyllës kurrizore?

Dr. Paolo Visali prej kohësh ndihmon dentistët dhe asistentët e ekipit stomatologjik që të parandalojnë dhe kurojnë këto patologji edhe me kurse specifike.

"Në praktikë bëhet fjalë për të mësuar ushtrime për të bërë elastike vertebrat që për një kohë të gjatë bëhen të palëvizshme në vijim të kontraktimeve muskulore që krijohen gjatë pozicioneve të punës jo fiziologjike".

Këto janë disa nga këshillat e Dr Visali.

Ushtrimi i parë (fig. 1) shërben për të mobilizuar kolonën cervikale. Në pozicionin drejt, mundësisht përpara pasqyrës duke mbajtur trupin pa lëvizur dhe shpatullat ulur, çojmë përpara dhe mbrapa kokën si një sirtar që hapet dhe mbyllet, duke u përpjekur që të mos e ngremë për lart. Kur koka shkon mbrapa formohet mjekra e dyfishtë.

Ushtrimi tjetër (fig. 2) shërben për të lehtësuar tensionin muskulor në nivelin dorsal, lumbar dhe sakral. Duhet të mbahet pozicioni katërkëmbësh për të bërë lëvizjet e anteversionit dhe retroversionit të legenit.

Pra me duart dhe këmbët të mbështetura në tokë, duke marrë frymë kontraktohet abdomeni dhe çlirohet zona dorsolumbare në drejtimin lart, me kokën të drejtuar poshtë, më pas duke nxjerrë frymën zona lumbare çohet në drejtimin poshtë në lordozë dhe koka në pozicion normal.

Është e qartë që ky ushtrim duhet të bëhet në kontekst dhe funksion të kushteve fizike të personit.
"Në trajnimin e posturës të përmendur këtu shkurtimisht - vijon dr. Visali - është e dobishme që ta kombinojmë me akupunkturën, akt mjekësor që mundëson reduktimin e dhimbjes dhe të inflamacionit. Akupunktura nuk ka efekte dytësore të rëndësishme dhe kështu mund të aplikohet për një periudhë afatgjatë në ndryshim nga barnat kundër dhimbjeve dhe anti-inflamatorëve. Kjo praktikë tashmë e përhapur mjaftueshëm në Itali gjen një zbatim të gjerë në menaxhimin e dhimbjes aq sa mund të përdoret dhe për dhimbjet mandibulo-cerviko-faciale. Binomi posturë dhe akupunkturë përfaqësojnë një propozim të vlefshëm për të parandaluar dhe trajtuar dhimbjet muskuloskeletore tek asistentët shëndetësorë".
Për dr. Visali, duke kryer rregullisht trajtimin e posturës pas punës dhe në mënyrë periodike seancat e akupunkturës mund të riekuilibrojnë vetë kushtet fizike duke shmangur situatat akute që nëse do të ndodhnin ndonjëherë janë të kontrollueshme me pak seanca të akupunkturës.

Përktheu: Erjola Taga