Kalimi i fjalës në mënyrë që të të njohin dhe të të gjejnë. Ja dekalogu për ta bërë efikase

Rrjetet horizontale janë ato që krijohen spontanisht midis personave. Kanë më shumë ndikim te zgjedhjet tona si konsumatorë në krahasim me rrjetet vertikale. Këto janë të thurura nga mesazhe që nisin nga lart, nga ata që ofrojnë një mall ose një shërbim dhe janë të adresuara për klientë potencialë.

Po jetojmë një ndryshim në mentalitetin dhe në mënyrën e të vepruarit në një pikë të tillë që i japim më shumë rëndësi mendimit të të panjohurve se sa publicitetit ose një dëshmitari.

Interneti në pajisjet celulare ka krijuar kushtet për një lidhje peer-to-peer (nga kolegu te kolegu). Kjo i ka mundësuar të gjithëve që të jenë më të informuar. Kërkimet e kohëve të fundit të kryera nga Philip Kotler, babai themelues i marketingut modern, dëshmojnë një ndërrim të thellë të paradigmës. Mbizotëron dhe dominon faktori F: Firends, Families, Facebook Fans, Twitter Followers (Miqtë, Familjet, Fansat në Facebook, Ndjekësit në Twitter).

Është si të thuash se i japin më shumë besim personave të panjohur sesa ekspertëve apo publicitetit.

Ky ndryshim na prek nga afër. Përshkon fushën tonë të punës, botën e shëndetit. Lajmet false (fake news) mbi fushatat e vaksinimit janë një prej shumë shembujve të ndikimit që ushtrojnë rrjetet horizontale në opinionin publik.

Ky ndryshim, faktori F i Kotler, duhet parë si një mundësi që studimi diagnostikues mesatar i vogël mund të shfrytëzojë më së miri, duke përfituar edhe për sa i përket lojtarëve të rinj të fushës dentare që operojnë në një shkallë të gjerë.

Dy nga aspektet e rëndësishme:

1) Publiciteti i mediave tradicionale, Gazeta Televizive, i përket rrjeteve vertikale dhe perceptohet me mosbesim nga konsumatorët/pacientët. Është shumë pak efikase përveç se është e kushtueshme dhe kështu është e papërdorshme nga strukturat e vogla.

2) Pasuria që duhet vlerësuar është në fakt përhapja e fjalës, shprehje e rrjeteve horizontale Faktori F i Kotler.

Kalimi i fjalës është një shkëmbim mendimesh midis personave të zakonshëm. Është spontan, nuk mund të parashikohet vendi momental por kohëzgjatja e tij. Lind si një dialog i vogël i nxitur nga një emocion që ka përjetuar pacienti dhe mund të zgjerohet.

Ja dekalogu i kalimit të fjalës me përdorimin e Dental Team (ekipit dentar):

1. Pacienti është mbi të gjitha një person: meriton kujdes të veçantë në të gjitha situatat. E gjitha nis nga kapaciteti i dëgjimit të ekipit dentar.
2. Hapësirat dhe mobilimi i klinikës kanë një domethënie të madhe; duhen rinovuar me kujdes dhe në mënyrë periodike. Kujdes ndaj komfortit, higjienës dhe estetikës.
3. Krijimi i markës Klinikë Dentare shpreh vlera të klinikës. Kujdes me përdorimin koherent të vendit në të gjitha kanalet e komunikimit (tabela, stampa, kartëvizita, uniforma, ueb etj.)
4. Përdorimi i një softueri menaxhues lejon harmonizimin nga ana e klinikës me atë administrativ dhe të përmirësojë organizimin e brendshëm dhe komunikimin me pacientin
5. Formimi profesional është një investim i fuqishëm. Përfshini ekipin dentar në azhornim: kultura nuk bën kurrë keq!
6. Teknologjitë e reja për të kryer më së miri aktivitetin janë të bazuara dhe mundësojnë argumente për ruajtjen e pacientëve promoter (promovues) të kalimit të fjalës
7. Përkushtimi për të bërë trajtime të renditura me kohën (maskerina transparente, kirurgji e drejtuar, restauruese minimalisht invazive) pa lënë pas dore performancën e ngrohtë (trajtim i apneave gjatë natës, pacientë me nevoja të veçanta [special needs]) krijon komunikimin e pacientëve.
8. Klima pozitive e ekipit të punës perceptohet nga pacienti. Duhet kultivuar dhe me përvjetore për të festuar, aktivitete kolektive azhornuese dhe me momente të këndshme.
9. Instrumentet që të mund të të gjejnë në ueb vendosen në dispozicion të pacientit dhe janë tre: skeda google my business, siti ueb dhe faqja në facebook.
10. Një angazhim konstant që shpërblen: të befasosh pacientin, të krijosh emocione dhe të krijosh pacientë apostuj të kalimit të fjalës që e përhapin nëpërmjet rrjeteve horizontale falas.

Nën kujdesin e: Davis Cussotto, stomatolog dhe Erika Leonardi, eksperte në menaxhimin e biznesit

Përktheu: Erjola Taga