Rreziku i fibrozës pulmonare idiopatike për dentistët dhe laborantët dentar

Në SHBA, Centers for Disease Control po heton mbi disa vdekje të dyshimta

Nor. Mac

Centers for Disease Control and Prevention (Qendra për Kontrollin dhe Parandalimin e Sëmundjeve) e Shteteve të Bashkuara ka hetuar në raportin e saj javor - Morbidity and Mortality Weekly Report (Raporti Javor mbi Sëmundshmërinë dhe Vdekshmërinë) - qëllimi për të studiuar një grup rastesh të fibrozës pulmonare idiopatike të zbuluar te dentistët dhe asistentët e tjerë dentar të trajtuar në një qendër kurimi në Virginia. Fibroza pulmonare idiopatike është një sëmundje kronike dhe progresive me prognozë të dobët për të cilët nuk njihen akoma shkaqet.

Sipas publikimit të CNN në edicionin on line, paciente të reja në moshë, nga të cilat 7 kanë vdekur, gjatë periudhës prej 16 vitesh, ishin prekur nga sëmundja pulmonare. Për të hetuar mbi këtë grup pacientësh është dr. Randall J. Nett, autor kryesor i studimit dhe mjek zyrtar pranë US Public Health Service.

Në ngritjen e alarmit dhe vëmendjes së kërkuesve kundrejt operuesve në sektorin dentar, lexohet në raport, është fakti se ndër 894 pacientë të trajtuar për fibrozën pulmonare idiopatike në spitalin e Virginia, 9 pacientë - ose 1% - ishin dentistë ose laborant dentar. Përqindje që do të rezultonte "23 herë më e lartë se ajo e parashikuar", sipas asaj që është treguar nga kërkuesi. Të gjithë pacientët e grupit - 8 dentistë dhe një laborant dentar - ishin meshkuj, me moshë mesatare 64 vjeç. Edhe pse arsyeja e sëmundjes nuk është identifikuar, ekspozimet profesionale janë të mundshme, kanë shkruar Nett dhe kolegët e tij.

"Dentistët kanë ekspozime unike në vendin e punës", ka nënvizuar dok. Nett. "Këto ekspozime përfshijnë baktere, viruse, pluhura, gaz, rrezatime dhe risqe të tjera respiratore".

Sipas raportit, një nga pacientët e mbijetuar të grupit, operues në sektorin dentar, ka referuar se ka luciduar pajisje dentare pa përdorur mjete mbrojtëse si maska dhe është ekspozuar ndaj silicit dhe përbërësve të tjerë më toksicitet të konsiderueshëm respirator ose potencial. "Në këtë moment nuk e dimë se çfarë ka shkaktuar këtë grup rastesh të vibrozës pulmonare idiopatike në personelin që operon në sektorin stomatologjik", ka thënë dr. Nett që i ka rekomanduar punonjësve që të "vendosin një mbrojtje respiratore të certifikuar", nëse kapaciteti për të përmirësuar ventilimin nuk është i praktikueshëm ose efikas.

"Kemi akoma shumë punë për të bërë para se të nxjerrim konkluzione mbi riskun që dentistët ose laborantët kanë në funksion të punës së tyre", ka sqaruar kërkuesi. Dok. Paul Casamassimo, përgjegjës i politikave të Qendrës së shëndetit dhe kërkimeve pediatrike për higjienën e American Academy of Pediatric Dentistry, ka afirmuar për CNN që raporti i ri nuk është "befasues". "Për vite" - ka thënë Casamassimo - "dentistët janë ekspozuar ndaj pluhurave që vijnë nga punimi i materialeve të mbushjes dhe të protezave, përveç substancave toksike të listuara në raport. Pacientët e grupit ishin të gjithë të moshuar pra mund të mos kenë përdorur praktika më të azhornuara për mbrojtjen dhe sigurinë personale". "Punojmë me materiale dhe me bioprodukte humane mundësisht të dëmshme për trupin tonë nëse i përthithim ato", ka vazhduar ai. "Dentistët e rinj trajnohen në mënyrë të ndryshme nga e kaluara dhe përdorin instrumente me mbrojtjen e duhur".

Dr. Casamassimo që informon se si babi i tij edhe ai një dentist, pavarësisht se nuk ka vdekur për shkak të një problemi pulmonar, vuante nga probleme respiratore. "Mundësisht ishte një problem më i përhapur nga sa njihej", përfundon ai.

Përktheu: Erjola Taga