Dita Botërore e Gjumit. Si të njihni simptomat e apneas dhe pyetjet që duhet t'i bëni pacientëve

Joel Weaver, anestezist dhe dentist në Universitetin e Ohaio në Kolumbi (SHBA) ka trajtuar në artikullin e tij të botuar në Anesthesia Progress (organ i American Dental Society of Anestesiology) risqet e sedacionit te pacientët: veçanërisht tek ata që vuajnë nga apnea e gjumit.

Kërkimi bazohet në analizën retrospektive në rastet me rezultate fatale. "Doza e qetësuesve reduktohet" - shpjegon ai - "dhe për shmangur toksicitetin duhet të mbahet nën dozat maksimale të këshilluara nga FDI. Siguria para së gjithash" - pohon Weaver.

Shumë vëmendje i duhet kushtuar fëmijëve dhe grave nën peshë, pacientëve të moshuar dhe të dobët, atyre që janë me terapi sistemike me barna të tjera, pacientëve me defekte gjenetike të faktorëve metabolikë që kanë kohë të gjata eliminimi, të cilëve duhet t'i reduktojmë dozat farmakologjike.
Por vëmendja më e madhe i duhet kushtuar pacientëve që paraqesin një apnea të gjumit që nuk është diagnostikuar ende te të cilët risku farmakologjik bëhet i lartë.
"Për të zbuluar pacientin në risk," - këshillon Weaver, - "duhet kryer STOP Bang Survey i cili është një pyetësor me 8 pika i parashtruar që në 2012 në Universitetin e Torontos."

Nëse pacienti përgjigjet me më shumë se 3 "PO" risku është i lartë në të kundërt është i ulët.
Pyetjet janë si më poshtë:
1) Gërhisni aq shumë sa dëgjoheni në dhomën ngjitur edhe kur e keni derën e dhomës tuaj të mbyllur?
2) Ndjeheni shpesh të lodhur dhe të përgjumur gjatë ditës?
3) Ka vënë re ndonjë ndërprerjen e frymëmarrjes suaj gjatë kohës së jeni në gjumë?
4) Vuani nga hipertensioni?
5) Keni një tregues të masës trupore (BMI) > se 35kg/m2?
6) Jeni mbi 50 vjeç?
7) Keni perimetër të qafës më të madh se 40cm?
8) Përcaktimi i gjinisë (nëse janë të gjinisë mashkullore janë më të prirur për apnea).

Nëse nuk i besoni këtij testi simptomat që duhet të bëjnë që të dyshoni sipas SISMO (Società Italiana Medicina del Sonno Odontoiatrica) janë këto:
Simptoma gjatë natës: gërhitje, ndërprerje të frymëmarrjes gjatë gjumi, frymëmarrje me gojë, zgjime të shpeshta, urinim i pavullnetshëm, irritim.
Simptoma gjatë ditës: përgjumje pas vakteve, të qenit i përgjumur pas zgjimit, lodhje, nervozizëm, humbje e dëshirës seksuale.

Nën kujdesin e: Davis Cussotto, stomatolog

Përktheu: Valbona Spahia