Dita Botërore e Shëndetit Oral, nga FDI fushata: "Mendo për gojën, mendo për shëndetin"

Nga FDI material informativ për pacientët dhe dentistët për të shpjeguar lidhjen ndërmjet shëndetit oral dhe shëndetit të përgjithshëm

Në kuadër të Ditës Botërore për Shëndetin Oral të promovuar nga FDI, tema e këtij viti është lidhja ndërmjet shëndetit oral dhe shëndetit të përgjithshëm.

Slogani i fushatës është "Bëj Aahhh, mendo për gojën, mendo për shëndetin."

Nëpërmjet kësaj dite FDI dëshiron të sensibilizojë personat duke i informuar që shëndeti oral është më shumë se një buzëqeshje e bukur, është një gjendje që ndikon mbi shëndetin e të gjithë trupit, që sëmundjet e zgavrës orale kanë një impakt mbi çdo aspekt të jetës, nga marrëdhëniet personale deri te besimi në vetvete dhe mbi të gjitha në mirëqenien fizike.

FDI bën sugjerimin që t'i shpjegohet pacientëve që shëndeti oral i gojës dhe shëndeti i përgjithshëm janë të lidhur në mënyrë të tillë që shumë patologji të përgjithshme rritin riskun e sëmundjeve të zgavrës orale dhe anasjelltas. Shembuj të tillë përfshijnë diabetin, i cili rrit riskun e periodontitit apo periodontiti që ndikon në sëmundjet kardiovaskulare. Kjo ditë pra, sipas indikacioneve nga FDI duhet të jetë një rast për dentistët që të promovojnë higjienën e saktë orale por edhe stilet e sakta të jetesës, si një dietë e shëndetshme me shumë fruta dhe perime, mos konsumimi i duhanit dhe një konsumim shumë i moderuar i pijeve alkoolike.
Në sitin e Ditës Botërore të Shëndetit Oral FDI ka vendosur në dispozicion të dentistëve në të gjithë botën një sërë instrumentesh për të zhvilluar dialogun me pacientët e tyre qoftë drejtpërdrejt qoftë përmes rrjeteve sociale apo teknologjive të reja me aplikacionet e veçanta.
Materialin mund ta lexoni duke klikuar këtu.

Përktheu: Valbona Spahia