Gjurma analoge kundrejt gjurmës dixhitale

Më e volitshmja nga pikëpamja e kostove

Evolucioni teknologjik në praktikën e përditshme të klinikës stomatologjike nuk sjell vetëm avantazhe dhe përfitime për sa i përket përmirësimit të performancës por dhe përfitime ekonomike jo indiferente në ekonominë globale të aktivitetit.

Këtë mbështet dr. Raffaele Prencipe, stomatolog drejtor shkencor EM Consulting S.r.l shoqëri që merret me trajnimet në fushën stomatologjike që na ndihmon që të bëjmë një seri konsideratash mbi futjen në praktikën stomatologjike të skanerit intra-oral në zëvendësimin e marrjes së gjurmës me materialet e ndryshme të precizionit. Dr. Prencipe i kërkuam që të na vendosi në krahasim gjurmën dixhitale me atë tradicionale nga pikëpamja e kostove: cila është më e volitshme?

"Përpara se të avancojmë me konkluzionet është e nevojshme që të bëjmë një saktësim teknik" - thotë ai për Odontoiatria33 - "pra që evolucioni i këtyre sistemeve duhet të sjellë në mënyrë të pashmangshme përdorimin e sistemeve të hapura me menaxhimin e file-ve STL që të mund të dialogojmë me të gjithë". Precizimi i dytë është që "kurba e të mësuarit për përdorimin korrekt të një skaneri intra-oral nuk është e thjeshtë dhe e shkurtër. "Në një moment në të cilin ortodoncia klasike me braketa preferohet në vend të atyre të padukshme nëpërmjet maskerinave, është e dukshme se dërgimi i file-eve në vend të modeleve në shkumës për shtëpinë mëmë, i mundëson dentistit një përfitim jo indiferent për sa i përket, jo vetëm performancës por dhe një kursimi në kohë në të gjithë procedurën e zhvillimit të studimit të rastit". Më pas është avantazhi që të mund t'i tregojmë pacientit planin terapeutik që "lejon një përvetësim më performues të klientëve potencialë".

"E njëjta gjë vlen dhe për rastet e protezave me aspekt të rëndësishëm estetik ku të tregosh rezultatin final në pak kohë me softuer të dedikuar, nxjerr në pah kërkesa të fshehura të rëndësishme nga ana e pacientit". Shumë shpesh në këto raste pranimi i preventivit, është i menjëhershëm, shprehet eksperti, që na kujton se si shumë softuerë punojnë edhe me fotografi të pacientit dhe jo vetëm.

Aspekt tjetër i dëshmuar nga dr. Prencipe është se për sytë e pacientit këto teknologji janë sinonim i modernitetit dhe i cilësisë.

Ndër përfitimet e gjurmëve dixhitale në krahasim me ato tradicionale është dhe ai i kursimit të kohës për menaxhimin e tyre duke filluar nga menaxhimi i magazinës, nga procedurat që lidhen me sterilizimin, pastërtinë, konfeksionimin, deri në dërgimin në laborator.

Por në aspektin ekonomik cilat janë kostot?

"Një skaner intra-oral i cilësisë së duhur kushton në treg rreth 24.000 € + TVSH edhe pse kostot mund të variojnë sipas modeleve", thotë autori. "Formula më korrekte sot për të zotëruar një të tillë është qiraja operative, por zgjatja e amortizimit me 130% mund të rezultojë e përshtatshme. Vlerësimi në formulën e blerjes është dukshëm subjektiv dhe duhet të kryhet me vetë konsulentin fiskal". Duke hamendësuar qiranë operative kësti për 48 muaj është rreth 570 € + TVSH në muaj, pra për një dentist rreth 700 €, duke parë që TVSH është një kosto e faturuar në zgjerim".

Po kostot e një gjurme tradicionale me material precizioni?

"Konsiderojmë se për realizimin e një manifakture protetike fikse, qoftë një kurorë e vetme apo një urë me më shumë elemente, nevojitet që të procedojmë me marrjen e të paktën 3 gjurmëve: gjurma e parë e precizionit; gjurma e harkadës antagoniste; gjurma e pozicionit. Kosto mesatare e një gjurme të precizionit është rreth 25 € duke marrë në konsideratë dhe nozzle/tips dentarë. Nuk shpenzojmë shumë për siguri. Kështu për çdo punim shpenzojmë rreth 75 €, duke konsideruar dhe duke anashkaluar kostot e lugëve individuale ku është e nevojshme. Një kosto prej 100 € për punim është goxha treguese duke konsideruar gjurmët e marra më shumë se një herë prej defekteve dhe prej humbjeve, që në mënyrë të pashmangshme ndodhin në praktikë. Mund të jetë e drejtë të afirmojmë se për 7-10 raste protetike në muaj barazojmë koston e këstit të qirasë, duke kursyer gjithçka në fund të qirasë operative".

"Një break-even point i arsyeshëm është me 8 raste protetike në muaj, duke bërë një llogaritje të thjeshtë ekonomike, duke lënë atë që thamë në fillim mbi menaxhimin e imazhit dhe të cilësisë", përfundon dr. Prencipe, që do të saktësojë dhe një herë siç konsiderohet në hipotezën e tij, kohën e nevojshme për të përftuar "shkathtësinë" e nevojshme për të përdorur këtë teknologji të re dhe nuk llogarit ndryshimet e mundshme të cilësisë së gjurmës së përftueshme me dy sistemet, duke ia lënë këto vlerësime kërkimit shkencor.

Përktheu: Erjola Taga