10 këshillat për të ndërtuar "brand-in" tuaj, edhe nëse punoni si dentist i vetëm

T’ju kujtojnë nëpërmjet një emri apo slogani mund të jetë e dobishme dhe për një klinikë me përmasa të vogla

Shpesh të flasësh për "brand" (markë) në një sektor zakonisht të pavarur, ku është vetë profesionisti ai që lidhet me pacientët, mund të duket e padobishme, madje për disa edhe "irrituese".

"Kush është titullar i një klinike dentare të suksesshme në territorin e tij mund të konsiderohet titullar i një brandi", thotë për Odontoiatria33 Corrado Lagona, konsulent që merret me stomatologji dixhitale dhe marketing në sektorin dentar dhe autor i librit "Markedonzia". Gjatë këtyre viteve po asistojmë ndaj një inversioni të tendencës dhe nuk janë të paktë dentistët me klinikë monoprofesionale që kanë vendosur që t'i japin një emër klinikës së tyre të ndryshëm nga emri personal, për t'i dhënë konotacionin e "brand-it", por edhe emri i profesionistit konsiderohet nga pacienti si një brand.

"Brandi" - vijon Lagona - "nuk është gjë tjetër veçse një emër që nënkupton diçka në mendjen e pacientëve. Në rastin tonë mund të nënkuptojë dentistin e përgjithshëm apo specialistin në endodonci, ortodonci, implantologji e kështu me radhë. Sigurisht nuk mund ta vendosim të vetëm këtë gjë, duhet të njihemi për durimin tonë". Prandaj, të zotërojmë një brand nuk është ekskluzivitet vetëm i firmave të mëdha multinacionale apo i markave komerciale që nuk i përkasin botës së shëndetit. Për Lagona është e gabuar që të mendojmë se marka ka të bëjë vetëm me një zinxhir klinikash stomatologjike që i përkasin shoqërisë me kapital apo me fonde të mëdha investimi, "brandi mund të jetë arma sekrete për të ndihmuar klinikat e vogla dhe të mesme që të zhvillojnë identitetin e tyre të perceptueshëm dhe të perceptuar nga një publik jo shumë i madh, por mjaftueshëm i madh për të garantuar një rritje të rëndësishme dhe në kohë të recensionit ekonomik".

Por që të ndërtohet një brand, këto janë 10 "këshillat" që Lagona tregon si përcaktuese për të krijuar një "brand stomatologjik":

1) Mos ngulmo në promovimin e cilësisë, por ngulmo tek unikja. E vetmja cilësi që një pacient njeh është cilësia e perceptuar, prandaj mund të jetë dhe kirurgu më i mirë në botë por nëse perceptimi që reflekton nga klinika jote shkon në drejtim të kundërt, pacienti yt nuk do ta njohë kurrë si të tillë. Gjithashtu cilësia është një karakteristikë që pacienti e merr për të mirëqenë, këtë mund ta shfrytëzojë dhe konkurrenti yt i drejtpërdrejt, prandaj nuk do të të bëjë unik. Të pajisur me ide diferencuese që do të çojnë të jesh automatikisht i pari, numri një, lideri ose eksperti në një fushë të caktuar të stomatologjisë apo (akoma më mirë) për faktorë të tjerë të jashtëm klinik.

2) Vëzhgo më parë se çfarë komunikojnë konkurrentët e tu dhe më pas reago sipas rrethanave. Nuk mund të komunikosh atë që do. Duhet të verifikosh më parë nëse konkurrenca të ka lënë "hapësirën" për të komunikuar atë lloj mesazhi. Nëse ai mesazh përdoret tashmë nga dikush tjetër, hiqe dhe gjej një tjetër ekskluziv.

3) Emri. Të kesh një emër që të identifikojë veçoritë e tua dhe ndryshimet e tua nga konkurrenca është një as nën mëngë që jo të gjithë kanë kurajën që ta përdorin. Zgjidh një emër të shkurtër dhe që të tingëllojë mirë për veshin dhe do t'u japësh pacientëve të tu potencial, një mbështetje të rëndësishme për memorien e tyre. Me pak fjalë do të kujtojnë më mirë dhe do të të lidhin menjëherë me përfitimin që marka jote përfaqëson.

4) Slogani nuk është një shprehi prej qendre tregtare. Pothuajse asnjë nuk zotëron një të tyrin, por slogani është një armë shumë e fuqishme që bashkë me emrin tënd i lejon pacientit që të inkuadrojë në perfeksion atë që bën dhe përse duhet të të zgjedhë pikërisht ty në vend që të shkojë diku tjetër. Një slogan i fuqishëm i ofron literaturës atë që në marketing, përgjigje direkte quhet Reason Why (arsyeja pse).

5) Grise logon me dhembin e stilizuar. Flasim për diferencim, nuk mund të përdorësh të njëjtën logo që përdor 90% e dentistëve. Ndihmoje veten me fantazinë dhe puno me kompani për sa i përket idesë që të diferencon, që të karakterizon. Merr këshilla nga profesionistët.

6) Mos e reklamoni asnjëherë çmimin. Kjo për pjesën më të madhe të dentistëve është e qartë, por për ndonjë tjetër nuk është, prandaj vlen që të flasim për të. Në vend që të përdorim shpjegime të gjata të artikuluara për të shpjeguar përse, japim disa shembuj në mënyrë që të kuptohemi menjëherë. Markat e mëdha si Apple, Armani, Lego nuk e publikojnë çmimin e produkteve të tyre. Zotërojnë argumente dhe atribute të tjera që njerëzit t'i zgjedhin. Ti Duhet të bësh të njëjtën gjë.

7) Përdor marketingun me përgjigje direkte për të promovuar idenë tënde diferencuese. Do të nevojitet për të nënvizuar në mënyrë konstante diferencën që kalon midis teje dhe gjithë pjesës tjetër. Rezultati i mirë i një fushate marketingu kalon i gjithi nëpërmjet këtij këndvështrimi. Të diferencohesh është mënyra e vetme që të dalësh nga lufta e çmimeve në rënie.

8) Logo nuk ndryshon çdo dy vjet si multinacionalet. Logo, si ngjyrat e tua, do të jenë një element dallues gjigant për aktivitetin tënd. Zgjidhe dhe mos e ndrysho më. Ti nuk je një multinacionale dhe kështu nuk është e thënë që bizneset e mëdha i bëjnë gjërat gjithmonë në mënyrën e duhur.

9) Jo dy ide diferencuese. Të jesh unik do të thotë të jesh unik. Të jesh unik do të thotë të njihesh për një motiv specifik jo për dy motive specifike. "Ne kurojmë fëmijët por dhe të rriturit dhe të moshuarit", është një strategji e gabuar komunikimi. Nëse ti më pas në brendësi të klinikës do të kurosh vërtetë pacientë të çdo moshe atëherë duhet të krijosh fushata të diferencuara. Nga pikëpamja e komunikimit targeti duhet të jetë njëzëri për çdo fushatë pikërisht si mesazhi yt i diferencuar.

10) Të krijosh një brand të ri nuk do të thotë të bësh një revolucion. Konfigurimi yt i ri do të shërbejë për të tërhequr pacientë të rinj për të cilët nuk duhet aspak që t'i kthesh kurrizin klientëve të tu të vjetër. Bëhet fjalë gjithmonë për ata që të kanë mundësuar që të arrish deri më sot. Ruaj kontakte konstante me ta duke i azhornuar për identitetin tënd të ri si nëpërmjet materialit fizik dhe nëpërmjet instrumenteve që uebi të vë në dispozicion. Pacientët e vjetër do të vazhdojnë që të të njohin për atë që për ata përfaqëson, pacientët e rinj do të vijnë nëpërmjet marketingut që ti do të kesh ndërtuar përreth markës tënde të re.

Përktheu: Erjola Taga