Të flesh me gojën hapur rrit pH acid me riskun e erozionit të smaltit

Breschi (AIC): nën vëzhgim kush vuan nga OSAS dhe fëmijët

Të gërhasësh apo të marrësh frymë me gojën hapur mund të shkaktojë karies. Këtë na kujton AIC (Akademia Italiane e Konservativës) duke kujtuar se studime shkencore të kohëve të fundit që afirmojnë se kush gërhet për pjesën më të madhe të natës apo merr frymë me gojën hapur çon në një ulje të pH në zgavrën e gojës që vë në risk smaltin dhe lehtëson shfaqjen e lezioneve karioze. Ekspertët e AIC nënvizojnë se risku është i vazhdueshëm mbi të gjitha tek ata që vuajnë nga e ashtuquajtura sindroma e apneave obstruktive gjatë natës (OSAS) dhe që kalojnë pjesën më të madhe të natës duke marrë frymë në mënyrë të paqëndrueshme. Gjithashtu rreziku rritet akoma më shumë nëse flitet për fëmijët: 15% e më të vegjëlve, natën, kalon 80% të kohës duke marrë frymë me gojën hapur për faj të ftohjeve të shpeshta dhe alergjive.

"Organizmi ynë është strukturuar në mënyrë që frymëmarrja të ndodhë nga hunda, kur nuk ndodh kjo, në ambientin e zgavrës së gojës krijohet një çekuilibër i rrezikshëm" - shpjegon për agjencinë ANSA prof. Lorenzo Breschi, President AIC dhe Prof. i Stomatologjisë Konservative pranë Universitetit të Bolonjës - "në fakt, pH fiziologjik i zgavrës së gojës ulet në mënyrë domethënëse me një rritje të fortë të aciditetit në gojë: një ambient më acid dhe një pH i ulët favorizojnë erozionin dhe dobësimin e smaltit, paradhomë e zhvillimit të kariesit". Studime të shumta te të rriturit dhe fëmijët kanë konfirmuar risqet që lidhen me një frymëmarrje jo të rregullt për sa i përket çekuilibrit të pH intraoral shkaktuar nga kapaciteti i reduktuar për të neutralizuar një ambient acid që çon në shkatërrimin e indeve dentare ekzistuese ashtu si dhe të materialeve të përdorura për restaurimin e tyre.

"Risku i zhvillimit të patologjisë karioze është rritur me më shumë se 37% në krahasim me individët që nuk vuajnë nga çrregullimet respiratore - shton Breschi - Të marrësh frymë me gojën hapur në fakt "than" zgavrën e gojës. Kalimi i vazhdueshëm i ajrit në brendësi të gojës than mukozat duke bërë avullimin e shtresës së hollë mbrojtëse të pështymës që falë enzimave antibakteriale, antitrupave dhe kripërave minerale që përmban siguron me fluksin e saj të rregullt një spastrim të mirë të sipërfaqeve dentare, balancimin e pH dhe si pasojë rimineralizimin e smaltit. Pështyma gjithashtu ka detyrën që të luftojë bakteret që prodhojnë acidet: thatësira orale kështu kontribuon në rritjen e niveleve të aciditetit dhe paralelisht çrregullon florën bakteriale orale duke favorizuar përveç kariesit dhe shfaqjen e irritimeve, stomatiteve, afteve dhe inflamacioneve gingivale".

Prevalenca më e madhe e lezioneve karioze dhe e inflamacionit gingival është raportuar nga kërkime të ndryshme të kryera te fëmijët, që tregojnë se si të marrësh frymë keq natën, për shembull, për faj të alergjive dhe astmës, rritet ndjeshëm përqindjen e eksperiencave të kariesit në dhëmbët e qumështit.

"Për të shmangur pasojat mbi shëndetin oral është kështu shumë e rëndësishme që të zgjidhim çrregullime që kompromentojnë një frymëmarrje të mirë gjatë gjumit si te të rriturit si te fëmijët." - nënvizon Breschi - "Shpesh, për fat të keq, 75-80% e rasteve të patologjive të gjumit nuk diagnostikohen, në fakt do të ishte esenciale që të njihej problemi për të zgjidhur jo vetëm çrregullimet e frymëmarrjes dhe të reduktojmë risqet kardiovaskulare dhe ato që lidhen me to por dhe për të reduktuar risqet për shëndetin e dhëmbëve".

Përktheu: Erjola Taga