Njoftimi i pacientit për takimin e radhës, përse është i rëndësishëm, si dhe kur duhet bërë?

Ndihmon në promovimin e imazhit pozitiv të klinikës dhe përmirëson produktivitetin dhe organizimin

Nga Cussotto Davis

Është me rëndësi strategjike për klinikën dentare që t'i kushtojë kohë edukimit të pacientit për vlerën e shëndetit oral dhe se si ta ruajë atë. Për ta bërë këtë, Rekomandimet Klinike në Odontostomatologji (Edicioni i Ministrisë së Shëndetësisë, shtator 2017), këshillojnë një përzierje midis cilësisë klinike dhe komunikimit të vërtetë që i shtojnë shkruesit një nivel të mirë organizativ.

Lind kështu një emocion ose një stimul i konsiderueshëm për interesat e pacientit, i cili ka jetuar një eksperiencë subjektive shumë pozitive dhe i jep dëshirën që të rikthehet në klinikë për ruajtjen e gjendjes së tij shëndetësore. Kur është e nevojshme, duhet që të jemi në gjendje që ta kënaqim pacientin, duke organizuar rinjoftime apo takime të higjienës dhe parandalimit për pacientë që kanë përfunduar ciklin e kurimit.

Shërbimi i njoftimit të pacientit për takimin e radhës na ofron në fakt pesë avantazhe të rëndësishme sipas Sally McKenzie, CEO e McKenzie Management:

1) Rritet produktiviteti i klinikës. Krijon një bërthamë të fortë të pacientëve besnikë që ndjekin trajtimet e higjienës dhe parandalimit që janë një burim ekonomik i rëndësishëm për klinikën.
2) Rritet përhapja pozitive e fjalës. Pacienti me njoftimin vlerëson interesimin që klinika ka kundrejt mirëqenies së tij, ndihet pjesë e një grupi për disa aspekte ekskluzive dhe do të jetë më i prirur për përhapjen e fjalës.
3) Rritet pranimi i planeve të trajtimit pasi pacienti kupton më mirë rëndësinë.
4) Redukton numrin e takimeve të munguara. Nëse pacienti nuk i ka kuptuar shërbimet që ne ofrojmë, do të ketë më pak probleme për të anuluar takimin në minutën e fundit ose për të mos u paraqitur. Situata është e ndryshme për pacientin e informuar që kanë kuptuar mirë vlerën e shëndetit oral: do të jenë më të prirur për të respektuar takimet e fiksuara.
5) Përmirëson kënaqësinë në brendësi të ekipit të punës. Një fluks konstant pacientësh në brendësi të klinikës prodhon një varietet në ndërhyrjet që duhen realizuar dhe e bën më të kënaqshme punën në ekip dhe anasjelltas.

Shërbimin e njoftimit të pacientit mund ta menaxhojmë në dy modalitete të ndryshme:

A) Duke përdorur listën mujore ose javore të personave që duhen njoftuar. Është një listë që pajiset me emrat e pacientëve që kanë përfunduar kurat apo seancën e higjienës. Sekretarja siguron, për më tepër në mënyrë telefonike që të caktojë takimin.
B) Duke përdorur metodën "Biletën gjithmonë në xhep". Kështu e quan Franco Tosco ("Të bësh dentistin është një sipërmarrje", Tueor Bergamo 2010) që këshillon që të fiksohet menjëherë takimi pas 6/12 muajsh për pacientin që ka përfunduar ciklin e kurimit. Në këtë rast çdo pacient del nga klinika me një takim tashmë të fiksuar. Në eksperiencën time personale kam përdorur për vite me radhë mënyrën A që tani e kufizoj për rreth 5% të pacientëve që nuk lexojnë mesazhet (WhatsApp, SMS ose e-mail) por që kanë nevojë që t'i kontaktojmë nëpërmjet telefonit direkt. Në të gjitha rastet e tjera metoda që na ka mësuar Tosco ("Biletën gjithmonë në xhep") është më e mirë pasi merr më pak kohë se sekretarja që duhet të kufizohet që t'i kujtojë për takimin një javë para duke përdorur për më tepër WhatsApp-in.

Davis Cussotto: autor i vëllimit Digital Marketing për Stomatologët

Përktheu: Erjola Taga