Shëndeti oral dhe brishtësia e të moshuarit, një temë që nuk duhet nënvlerësuar

Të mbajmë stabël mikrobiomën orale ndihmon që të mbajmë nën kontroll ndryshimet e shëndetit te të moshuarit

Siç dihet ekziston një lidhje e fortë midis humbjes së dhëmbëve, shëndetit të dobët oral dhe zhvillimit të deficitit konjitiv dhe demencës në plakje. Humbja e dhëmbëve posteriorë, një ndër pasojat e plakjes, lidhet me disfaginë dhe deficitin nutricional, në veçanti të vitaminave dhe ushqimeve me vlera antioksidante. Në të njëjtën mënyrë, përtypja kryen një rol të rëndësishëm në rregullimin e aktivitetit të aksit hipotalamus-hipofizë dhe në ruajtjen e funksionit konjitiv që varet nga hipokampusi.

Tema e raportit midis shëndetit oral, brishtësisë së të moshuarit dhe plakjes aktive është në qendër të Kongresit të 25-të Kombëtar të Kolegjit të Docentëve të Disiplinave Odonto-stomatologjike nën kujdesin e Antonella Polimeni, Presidente e Kongresit Kombëtar dhe Enrico F. Gherlone, President i Kolegjit të Docentëve Universitarë të disiplinave Odonto-stomatologjike dhe që këtë vit synon të theksojë qendërsinë e odonto-stomatologjisë në kompleks të disiplinave mjekësore nëpërmjet katër fjalëve kyçe: mikrobiota orale, sëmundje sistematike, rreziku dhe korrelacioni.

"Futja e mikroorganizmave të mikrobiotës orale, gëlltitja e pështymës ose formimi i vazhdueshëm i pllakës bakteriale dhe i kontaktit të tyre të vazhdueshëm me sistemin imunitar aktiv në mukozë është përgjegjës për fillimin e një sëmundje sistematike" - lajmëron profesoresha Antonella Polimeni. "Mbajta në ekuilibër dhe në shëndet e rreth 600 kolonive bakteriale ose mikrobiomës orale kompleksive që popullojnë kavitetin tonë oral dhe habitatin e tij - dhëmbë, gingiva, qiellzë, gjuhë, bajame - të artikuluara nga ana tjetër në shumë mikrobiota që karakterizojnë komunitetin bakterial të pranishëm në një ind, përfaqëson një nga detyrat kryesore sot të besuara për Odonto-stomatologjinë, sidomos me ritmin e moshës së plakjes që e bën individin të brishtë" - përfundon Polimeni.

Kurat stomatologjike në moshën e tretë shpesh lihen pas dore qoftë për shkak të patologjive të tjera që heqin vëmendjen nga problemi dentar qoftë sepse aksesi ndaj trajtimeve është bërë më i vështirë për faktorë të ndryshëm, ndër të cilët përdorimi i barnave antikoagulantë që dhe një ekstraksion të thjeshtë mund ta shndërrojnë në një ndërhyrje me risk. Ndër patologjitë stomatologjike më të zakonshme në moshën e tretë janë sëmundjet periodontale që lidhen dhe me higjienën e dobët orale shkaktuar nga një shikim jo perfekt dhe nga të dridhurat e lehta të duarve.

Për një person të moshuar, më pas, rëndësia e protezës është thelbësore si për një ushqyerje korrekte për të shmangur riskun e kequshqyerjes por edhe për të shmangur dhimbjet muskulo-skeletore pa harruar aspektin psikologjik pasi një gojë pa dhëmbë çon në një mbyllje dhe humbje të jetës sociale, na kujtojnë nga Kolegji.

"Ndryshimet në të cilat mikrobioma haset me plakjen përfshijnë një zvogëlim të firmiculates dhe një shtim të bacterioides. Modeli i ndryshuar i mikrobiotës lidhet me një brishtësi në bazën e së cilës është pikërisht kushti i shëndetit muskulor" - shpjegon profesor Francesco Landi, Primar i Rehabilitimit Geriatrik në Poliklinikën A. Gemelli. "Ekziston një lloj laku proinflamator i disbiozës apo ndryshim i florës bakteriale që favorizon imuno-plakjen dhe inflammaging dhe që vetë kjo lidhet me brishtësinë dhe me sarkopeninë. E gjitha kjo do të thotë se marrëdhënia midis mikrobiotës dhe muskulit nuk është vetëm statistikë por që është një cross-talk midis mikrobiotës dhe organeve dhe aparateve të ndryshme; kjo lidhje përfshin edhe që mikrobiota mund të përfaqësojë një target të ri terapeutik. Është dëshmuar qartësisht se në ç' masë mikrobiota mund të ndikojë, mbi të gjitha metabolizmin proteinik dhe kështu muskulin".

Të kuptosh qëndrueshmërinë ose ndryshueshmërinë e mikrobiomës orale me moshën që avancon do të na lejonte që të mbanim nën kontroll ndryshimet e shëndetit, për shembull gjatë një ndryshimi dietetik ose një trajtimi antibiotik dhe në disa raste të parandalojmë sëmundje të rënda kronike inflamatore. Në veçanti, kur kemi të bëjmë me pacientë mbi 70 vjeç, të konsideruar "të brishtë" sepse shpesh janë penalizuar nga vështirësia e aksesit ndaj kurave stomatologjike për shkak të kufizimeve funksionale, fizike dhe ekonomike ose të banimit, me patologji ligështuese që çojnë në të mos qenit të pavarur. "Në një farë mënyre, përbërja gjenetike e mikrobiotës mund të përfaqësojë një nga mekanizmat në gjendje që të modifikojnë jetëgjatësinë: nëse homeostaza e mikrobiotës ndikon shëndetin e bartësit dhe plakjen, zhvillimin e probiotikëve gjenetikisht të projektuar mund të përfaqësojë një paradigmë të re terapeutike për të promovuar një plakje të shëndetshme. Një modulim i personalizuar, edhe në bazë të moshës së mikrobiotës mund të çojë në objektivin për të mbajtur një profil mikrobik të tillë që të ofrojë probabilitet më të mëdh për të parandaluar brishtësinë dhe promovuar shëndetin muskulor " përfundon profesor Landi.

Për më tepër:
• Takeuchi K, et al Posterior Teeth Occlusion Associated with Cognitive Function in Nursing Home Older Residents: A Cross-Sectional Observational Study. PLoS One. 2015 Oct 29;10.
• Okabe Y, et al. Posterior teeth occlusion and dysphagia risk in older nursing home residents: a cross-sectional observational study. J Oral Rehabil. 2017 Feb;44(2):89-95).
• Azuma K, et al. Association between Mastication, the Hippocampus, and the HPA Axis: A Comprehensive Review. Int J Mol Sci. 2017 Aug 3;18(8).

Përktheu: Erjola Taga