Rezistenca ndaj antibiotikëve, një emergjencë globale

Disa ndër ekspertët më të mirë janë fokusuar në Romë mbi temën e rezistencës ndaj antibiotikëve, e cila ka valencë globale dhe është veçanërisht e rëndë pikërisht në Itali, që bashkë me Greqinë, kanë përhapjen më të lartë të rezistencave ndaj antibiotikëve midis vendeve të Bashkimit Europian.

Sipas vlerësimeve më të fundit fenomeni shkakton tashmë 700 mijë vdekje në vit që me këto ritme rritjeje mund të bëhen 10 milion në 2050, duke u bërë shkaku i parë i vdekjes në botë. Sot në BE, humbin jetën rreth 25 mijë persona me një kosto prej 1,5 miliard eurosh.

"Organizata botërore e shëndetësisë është e pajisur me një Plan global për të frenuar rezistencën ndaj antibiotikëve - ka afirmuar Ranieri Guerra, assistant director general i OBSH-së - një plan ambicioz i implementuar nga më shumë se 110 vende që kanë realizuar planet e tyre respektive kombëtare. Italia është një prej të paktëve që menaxhon bashkë shëndetin e njerëzve, kafshëve dhe atë mjedisor: është e nevojshme që të bëjë të mundur të çojë përpara këtë veçori për të arritur standardet e Vendeve europiane në menaxhimin e rezistencës ndaj antibiotikëve". Një aspekt kyç i çdo strategjie sulmi është antimicrobial stewardship, që siç ka shpjeguar Claudio Viscoli, president i Shoqërisë italiane, terapia anti-invektive (Sita), "ka qëllimin për të optimizuar përdorimin e antimikrobikëve në të gjithë nivelet jo vetëm në fushën spitalore, vetëm në një këndvështrim të shëndetit global; pika e fortë e një programi të këtij lloji është njohja e të dhënave që lidhen me fenomenin e rezistencës ndaj antibiotikëve dhe në përdorimin e tyre, që ndiqet më pas nga ndërhyrjet operative (edukimi, kontrolli i përdorimit të antibiotikëve, fuqizimi i strukturave dhe alokimi i burimeve) dhe vlerësimet periodike".

Pikërisht nga këto principe është frymëzuar Plani kombëtar i sulmit kundër rezistencës ndaj antibiotikëve (Pncar) 2017-2020, evidentuar nga Qeveria italiane dhe publikuar nëntorin e kaluar. Plani fokusohet në katër veprime strategjike: mbikëqyrja, parandalimi dhe kontrolli i infeksioneve nga mikroorganizmat rezistente në fushën shëndetësore njerëzore dhe veterinare; përdorimi i duhur dhe mbikëqyrja e konsumit të antibiotikëve me një reduktim të përdorimit brenda vitit 2020 mbi 10% në fushën territoriale dhe mbi 5% në fushën spitalore dhe një shkëputje prej 30% në sektorin veterinar në krahasim me nivelet e viti 2016; fuqizimi i shërbimeve diagnostikuese të mikrobiologjisë; trajnimi i asistentëve shëndetësorë, edukimi i popullsisë dhe një kërkim i synuar.

Përktheu: Erjola Taga