Të mbahemi në formë të mirë fizike na ndihmon që të shprehemi sa më mirë edhe në klinikë

Studimi anglez ka dëshmuar rëndësinë e aktivitetit fizik në zhdërvjelltësi dhe në mënyrën e komunikimit

Nga Cussotto Davis

E dimë sesa i rëndësishëm është efikasiteti fizik për të kryer më së miri aktivitetin kompleks të dentistit. Liria dhe lëvizshmëria e shtyllës kurrizore për të pasur një zhdërvjelltësi të mirë gjithashtu dhe të shprehurit sa më mirë për të motivuar pacientin dhe bashkëpunuesit, gjejnë të dyja përfitime nga kryerja e një ushtrimi fizik të përditshëm.

Një studim i kohëve të fundit i publikuar në Science News i realizuar nga një grup kërkuesish të Universitetit të Birmingham (UK) drejtuar nga Katrien Segaert, ka treguar se aktiviteti fizik i përditshëm është një faktor kyç, për të ruajtur një trashëgimi leksikore të mirë.

Kush është fizikisht në formë të mirë paraqet një gjuhë komunikimi më të përshtatshme në krahasim me kolegët që nuk kryejnë rregullisht aktivitet fizik. Sipas kërkuesve funksionaliteti konjitiv dhe aftësia linguistike shpesh zvogëlohen me kalimin e moshës.

Megjithatë ushtrimet fizike përmirësojnë kapacitetin konjitiv, shpejtësinë e përpunimit të mendimit dhe memorien.

Pak dimë, tani për tani, nga lidhja midis aktivitetit fizik dhe aftësisë linguistike. Rreth kësaj teme Philip Gorelick i Michigan State University të East Lansing (USA) dëshmon se si midis faktorëve të riskut që kontribuojnë në zhvillimin e aterosklerozës të sëmundjes së Alzheimer dhe formave të tjera të demencës senile është pikërisht jeta sedentare dhe mungesa e ushtrimeve fizike.

Rezultatet e këtij studimi nuk janë befasuese sipas Gorelick që nuk ishte i përfshirë në kërkim por duke i shtuar të dhëna studimeve të mëparshme që lidhin pozitivisht ushtrimet aerobike me fusha të ndryshme konjitive. Asgjë e re në krahasim me citimin e famshëm të Giovenale "mens sana in corpore sana" (lat. mendje e shëndoshë në trup të shëndoshë).

Duke u kthyer në aktivitetin tonë mund të përfundojmë se efikasiteti në punë dhe mirëqenia bashkëpunojnë dhe gjejnë një pikë takimi tek ushtrimet fizike.

Përktheu: Erjola Taga