Efektet e publicitetit te pacientët dhe dentistët

Profesor Antonio Pelliccia shpjegon “publicitetin e duhur”

Që para 20 vitesh, Hite Bellizzi dhe Andrus (1988) kishin vlerësuar sjelljen e dentistëve dhe të konsumatorëve amerikanë në krahasim me publicitetin stomatologjik.

Sot sjellja e dentistëve në krahasim me publicitetin në SHBA nuk është kaq negative sa ishte 20 vite më parë, por rezultatet për sa i përket rritjes së kërkesës së kurave nuk kanë qenë kaq të jashtëzakonshme. Në këtë skenar numri i dentistëve për 100.000 banorë vijon me progresionin nga 60,9 në vitin 2015 me një vlerësim prej 65,7 në vitin 2035 për 100.000 banorë. Shkalla e parashikuar e rritjes e numrit të dentistëve për frymë nga viti 2015 në 2035 është 7,9%. Puna e dentistëve është dashur që të përshtatet dhe kështu intensiteti i parashikuar i orëve të punës për shkak të moshës dhe të profilit të gjinisë së forcës së punës së dentistëve në të ardhmen shihet gjithnjë e më shumë si një profesion "femëror".

Pra shkalla e rritjes së ofertës së dentistëve "me kohë të plotë ekuivalente" është më e ulët, në 6,5%. Duke replikuar të njëjtin rregullim për vizitat e pacientëve, shkalla e rritjes është me 4,5%.

Historikisht efekti i publicitetit në stomatologji nuk ka qenë koherent me atë që në fakt është parë dhe perceptuar nga konsumatorët mbi atë që konsumatorët konsiderojnë efikas si informacion shëndetësor. Implikimet e këtyre koncepteve sot janë në diskutim. Kam dashur të verifikoj me një kërkim të kohëve të fundit nën profilin ekonomik, organizativ dhe strategjik sjelljet e pacientëve italianë dhe se cilat do të ishin diferencat domethënëse mbi efektet e përgjithshme nga publiciteti. Kërkimi nuk ka valencë statistikore, në veçanti kam matur vetëm se cili ishte publiciteti efikas mbi bazën e një kampioni të dentistëve, klientë të mitë dhe të pacientëve të tyre. Kam mundur të has ndryshime domethënëse për sa i përket kthimit në Investim (ROI) vetëm nëpërmjet "përhapjes së fjalës".

Si konkluzion, mund të afirmoj se funksionon publiciteti që pacientët bëjnë për dentistin e tyre nëpërmjet një sërë kanalesh referuese me "përhapjen e fjalës së evoluar" dhe falë instrumenteve të reja informatike dhe dixhitale të përdorshme (Referral Program). Në rrjedhën e këtij koncepti profilet dhe faqet Facebook dhe rrjetet sociale funksionojnë realisht nëse janë pacientët tuaj ata që ndajnë midis tyre lajmet entuziaste dhe pozitive mbi estetikën dhe parandalimin e vetë dentistit.

Publiciteti korrekt është ai që gjeneron besim komunikues dhe gjeneron prirje për të ndarë informacionet (Viral Marketing). Për Marketing shëndetësor nga rrënjët etike, publiciteti është një instrument ndoshta dhe më pak i rëndësishëm dhe nevojitet për të "bërë publik" shërbimin, pra për ta bërë të njohur për publikun.

Publiciteti korrekt ekziston dhe di të tregojë historitë e veta klinike duke vënë në qendër pacientët, duke thënë gjithmonë të vërtetën, di të ruajë konfidencën dhe është i aftë që të japë dhe marrë feedback konstruktiv. Nëse mendoni mirë, publiciteti korrekt mbyll ato veprime pozitive dhe dialoguese që nxisnin marrëdhënien mjek-pacient. Është si të themi se në Shëndetësi për të pasur sukses publiciteti kërkon besim. Duhet të konsiderojmë se publiciteti komercial me skonto dhe promocione, ka si objektiv shitjen, ndërsa pacienti ka nevojë që të gjejë te mjeku figurën terapeutike referuese.

Publiciteti komercial nuk gjeneron besim te pacientët, nuk i bën besnikë në kohë dhe nuk rrit kulturën e tyre shëndetësore, nuk rrit nevojën për kura. Publiciteti mund të jetë pozitiv dhe mesazhet janë efikase vetëm nëse ushqejnë marrëdhënien e besimit midis mjekut dhe pacientit.

Ja përse kryesisht sot është "përhapja e fjalës e evoluar" që arrin të ndikojë pozitivisht në rezultatet ekonomike të investimeve publicitare të reklamës duke konsideruar pacientin si një këshillues publicitar. "Përhapja e fjalës e evoluar" nuk kufizon informacionet mbi planin klinik por ndan në fushën e komunikimit vlerën e bashkëpunuesve të teknologjive, të shërbimeve. Publiciteti që gjeneron besim ekziston, është kompetent, informativ dhe i referohet respektit të njohurive të etikës, të deontologjisë midis kolegëve dhe të aftësisë dhe të kapaciteteve të të tjerëve.

Nën kujdesin e: prof. Antonio Pelliccia, profesor i Ekonomisë dhe Organizimit të Biznesit. Në Universitetin Vita e Salute Ospedale S. Raffaele, Milano - Universiteti Katolik i Sacro Cuore Roma, Policlinico Agostino Gemelli - Konsulent i Drejtorisë për Strategjitë e Biznesit dhe për Menaxhimin Strategjik të Burimeve Njerëzore

Përktheu: Erjola Taga