Në 20 vitet e ardhshme do të rritet numri i dentistëve Amerikanë

Të dhëna me tendencë të kundërt në krahasim me Europën

Nga Cussotto Davis

Shpesh qasja përtej oqeanit parashikon tendencat për vitet pasardhëse në Kontinentin e Vjetër, kështu mund të jetë interesante të dimë se numri i dentistëve Amerikanë do të ketë tendencën që të rritet në mënyrë progresive në 20 vitet e ardhshme.

Këtë mbështet raporti i publikuar nga Health Policy Institute (HPI) i ADA (American Dental Association) në fund të një webinar-i të zhvilluar së fundmi, ku kanë marrë pjesë përfaqësues të kërkuesve, akademikëve dhe profesionistëve të sektorit dentar amerikan. Raporti, sipas Marko Vujicic HPI Chief Economist është një plotësim i atj të hartuar dhe publikuar në 2016. Versioni i fundit merr parasysh se si forcat e tregut dhe kriza ekonomike mund të influencojnë vendimet e daljes në pension të dentistëve. Gjithashtu vlerëson se midis të diplomuarve të tjerë në stomatologji disa mund të vendosin që të mos e ushtrojnë me kohë të plotë në Shtetet e Bashkuara.

Sot dentistët Amerikanë janë 60,9 për çdo 100.000 banorë. Vlerësohet se do të rriten deri në 61,6 në 2022, 62,6 në 2027 dhe 63,7 në 2037. Do të rriten të rinjtë profesionistë dhe femrat dhe përfaqësuesit e minoriteteve etnike që do të arrijnë 46% të totalit të të punësuarve. Rritja e popullsisë vlerësohet më e ngadaltë në krahasim me numrin e dentistëve.

Kush do të futet në tregun e punës në vitet e ardhshme do të punojë me një numër më të vogël pacientësh dhe me orar pune klinike të reduktuar.

Parashikimet paraqesin gjithmonë një marzh të pasigurisë pasi është e vështirë të vlerësosh se si do të ndryshojë kërkesa e pacientëve e ndikuar nga tendencat e reja dhe nga politikat shëndetësore të aktualizuara në nivel Federal. Pavarësisht të gjithave Vujicic mbetet optimist pasi numri i të diplomuarve që prodhojnë Dental Shoolè praktikisht i pandryshueshëm që nga 1980, është ai që nëse kombinohet me rritjet demografike është sigurisht një parametër profesional pozitiv. Konsiderata e fundit është tendenca që çon dentistët e rinj që të rikthehen për të punuar në komunitetet e origjinës.

Numri më i madh i femrave dhe i përfaqësueseve të minoriteteve etnike mund të përmirësojë nivelin e kënaqësisë së kërkesës.

Përktheu: Erjola Taga