Të moshuarit, një burim për klinikën por mos i trajtoni si "pleq". 5 këshilla se si t'i menaxhoni sa më mirë

"Baby Boomers", të lindur gjatë viteve '50 dhe '60 të shekullit të kaluar, janë pacientë gjithmonë e më të pranishëm në klinikat tona dentare.
Siç është ilustruar në mënyrë të detajuar kohët e fundit në Takimin e Ekonomisë Stomatologjike, në Cernobbio nga prof. Fausto Colombo, personat mbi të gjashtëdhjetat kanë kapacitet për të shpenzuar dhe siç do të thoshte Jan Lindhe "inteligjencë stomatologjike"; por që perceptohen në fakt si "adoleshentë të përhershëm".
Personat mbi të gjashtëdhjetat, shkruan kolegia amerikane Lillian Caperila, shpesh janë të prekur nga të paktën një nga këto patologji sistemike:
• Diabeti
• Sëmundje kardiovaskulare
• Parkinson
• Alzheimer
• Bronkopneumopati kronike obstuktive (COPD)
• Kancer në terapi me rreze ose gjatë kimioterapisë
• Kserostomi

Ja pesë gjërat që duhen bërë për të menaxhuar sa më mirë këta pacientë:
1) Një anamnezë mjekësore e kujdesshme në pamje të parë dhe e azhornuar periodikisht për të gjurmuar praninë e patologjive sistemike. Me një vëmendje shumë të lartë për zgjedhjet klinike që duhet të kryhen për mbrojtjen mjeko ligjore.
2) Të krijohet një rrjet specialistësh (kardiolog, pneumolog, neurolog etj.) në territor, të cilëve t'i dërgojmë pacientë në rast nevoje për një konsultë dhe kjo na avantazhon në dy mënyra:
A) kualifikon profesionalizmin tonë dhe na dallon nga "zinxhirët dentarë"
B) rrit përhapjen e fjalës së "kualifikuar" nga specialisti në specialist
3) Teknologjitë e reja janë të pëlqyera nga gjashtëdhjetë vjeçarët që chat-ojnë në rrjetet sociale, mbi të gjitha nëse i dedikojmë pak kohë për t'i ilustruar mekanizmin e funksionimit me avantazhet e padyshimta për pacientin.
Një shembull për të gjithë: pak pamje me video të një software të periodontologjisë që dëshmon thellësinë e sondimit, kanë një efekt motivues të pabesueshëm krahasuar me një fletë të bardhë dhe gri.
4) Të azhornosh listën apo thjesht përshkrimin e procedurave që ndjekim: duke futur trajtime për nevoja të veçanta që mund t'i ofrojmë lehtësisht.
Shembull: rikuperimin dhe lëshimin e autorizimit për terapinë me bifosfonate me realizimin e protezave provizore të lëvizshme; kontrollet e shpeshta të higjienës te pacientët që kanë probleme me lëvizjen e duarve.
Përshkrimet e ndërhyrjeve të reja në preventivat që lëshojmë, krijojnë përhapjen e fjalës.
5) Për ata që si unë punojnë prej më shumë se 20 vjetësh dhe kanë njohur gjashtëdhjetë vjeçarët e viteve '90 nevojitet të kalojnë tabunë: "plak"=si skelet. Për mbi 60 vjeçarët e sotëm që kanë njohur "68-n" më mirë t'i propozojmë një implant ose një urë konservative me përgatitje parciale, në ditët e sotme ngjitja na ndihmon.

Nën kujdesin e: Davis Cussotto, stomatolog Twitter @DavisCussotto

Përktheu: Erjola Taga