Si mundet që çdo klinikë të krijojë Brand-in e saj

Eksperti: instrument i dobishëm si për klinikën e vogël ashtu dhe për atë më të strukturuarën

Nga Cussotto Davis

Fjala angleze "brand" përkthehet "markë", term i përdorur në botën e marketingut të korporatave për të identifikuar një të mirë të caktuar apo shërbim. Pikënisja për të përdorur këtë kanal të fuqishëm komunikimi është të krijojë esencën e vërtetë të branding: krijimi i logos së klinikës tuaj dentare.

Nëse futeni në Google dhe shkruani query (pyetjen) dentist/logo/imazhe, do të gjeni një kampion të gjerë me logo të kolegëve virtuozë. Disa janë mjaft të këndshme, për pjesën tjetër jetojmë në vendin e artit dhe të krijimtarisë.

Të realizosh një logo vektoriale nga një graphic designer (dizajner grafik) mund të kushtojë maksimumi sa një kurorë porcelani, një shpenzim që ia vlen të bësh. Sigurisht janë dhe shërbimet online që na ndihmojnë që t'i krijojmë vetë ose na i krijojnë në distancë. Por këshilla është ajo që t'i besojmë një profesionisti duke i shpjeguar se cilat janë kërkesat dhe pritshmëritë tona. Hapi i dytë është që të pasurojmë tabelën e klinikës, kartëvizitën, fletën me kokë ku do të stamponi preventivët, sitin ueb, bluzat e ekipit, furçën e dhëmbëve dhe çdo gjë tjetër që ju shkon ndër mend me logon e klinikës.

Këto elemente të thjeshta transformohen kështu në instrumente marketingu, pjesë e vetë familjes komunikuese që identifikon marka e klinikës.

• Koherenca e stilit, logo, përmbajtjet dhe shkrimi sigurojnë pacientin që për herë të parë vjen në klinikë dhe ndihmojnë në besnikërinë e atij që është në kurim.
• Stili grafik është më mirë që të jetë njëzëri dhe koherent në çdo dokument që prodhojmë. Dokumentet e hedhura aty rastësisht pasi janë projektuar në epoka të ndryshme nga persona të ndryshëm komunikojnë konfuzion dhe mos organizim dhe nuk na çojnë drejt suksesit.
• Koherenca në komunikim, merr një vlerë edhe më të madhe kur gjendemi në ueb. Logo duhet të jetë e njëjta në Facebook, në sitin ueb dhe në rrjetet sociale apo portalet që mendojmë të përdorim.
• Branding i klinikës, pra futja e logos në funksionet e ndryshme nëse realizohet në mënyrë progresive nuk kërkon investime të shtrenjta.

Pasi duhet të krijosh një road map (hartë të rrugës) duhet t'i japësh përparësi 3 elementeve: tabelës, stampimeve dhe uebit. Më pas shumë të tjera sipas buxhetit, që nënkupton të investosh dhe në krijimtarinë tënde. Pasi është krijuar marka duhet të pyesim: është e denjë që t'i tërheqim pacientët?

Për t'i tërhequr është e nevojshme që marka juaj të dallohet në një farë mënyre nga të tjerat që ofron diçka që përfaqëson një shërbim të ngrohtë në territorin të cilin operon. Sa më i madh të jetë kapaciteti që ka për të ofruar diçka që të tërheq vetvetiu, më e lehtë do të jetë për të zhvilluar një strategji të komunikimit të duhur.
Disa shembuj të shërbimeve të "ngrohta" për t'i përdorur në avantazhin tënd, i listojmë duke përzier aktivitetin klinik dhe atë ekstra klinik, pasi për qëllimin e branding nuk përbën ndryshim.

• Trajtimi i OSAS: trajtimi i pacientëve me nevoja të veçanta (special needs), ortodoncia me maskerina transparente
• Pedodonci
• Shërbim higjiene
• Diagnozë e hershme e kariesit me transiluminim
• Kurora dhe inlays në një ditë (same day dentistry)
• Ndihma e shpejtë gjatë verës
• Mjekësia estetike
• Riparimi i protezave gjatë ditës
• Parkimi për pacientët
• Financime me taksë zero

12 shembuj por ekzistojnë shumë të tjera. Elemente të cilët mund të bëhen pika e forcës për klinikën tuaj, që do të informojnë qytetarët dhe pacientët për shërbimet tuaja duke folur me pacientët, aspekt që mbetet pika më e rëndësishme për ta përdorur si avantazh. Si masë të dytë përdorim sitin ueb, newsletter (buletini informues) që duhet t'i jepen pacientit në rastin e seancave të higjienës apo video në sallën e pritjes.

Përktheu: Erjola Taga