Çfarë mund të mësojnë dentistët nga administratori i një kompanie? Mendimi i ekspertit amerikan

Edhe herë të tjera janë publikuar tek Odontoiatria33 kontributet e Roger P.Levin, që ka kryer studimet për stomatologji, i njohur ne botën dentare të Amerikës së Veriut si folës dhe autor i materialeve mbi menaxhimin e klinikës dentare.
Kohët e fundit një sit amerikan i këtij sektori, ka publikuar një artikull interesant në të cilin Levin shpjegon se çfarë duhet të mësojmë, si dentistë, nga një CEO (chief of executive) pra nga administratori i një kompanie.

Menaxhimi financiar i klinikës dentare si ai i një kompanie rrotullohet rreth një buxheti shpenzimesh (bilanci i vlerësuar).
Duhen identifikuar kostot fikse (që nuk janë të lidhura me prodhimin si: qiratë, tarifat financiare, punonjësit etj.) dhe kostot e ndryshueshme që lidhen me volumin e prodhimit (shembull: tekniku i laboratorit, materialet e konsumit etj.); në këtë mënyrë kemi ndërtuar koston "e biznesit klinikë dentare" për vitin e ardhshëm.

Ky vlerësim mund të kryhet nga dentisti ose siç ndodh shpesh nga konsulenti i biznesit. Roger P. Levin na kujton se nuk janë të shumtë konsulentët që njohin në themel problematikat e një klinike stomatologjike.
Nevojitet që të punojmë zinxhir dhe të kontrollojmë punën e konsulentit për të pasur një kthim ekonomik nga këshillimi i tij.

Buxheti i shpenzimeve duhet të ketë parasysh ngarkesat fiskale të "rrogës" së dentistit, të rinovimit apo blerjes së të mirave të reja instrumentale, por është i rëndësishëm edhe investimi në teknologjitë e reja për të qëndruar konkurrues. Duhet krahasuar me atë të viteve të mëparshme me rritjen totale të shpenzimeve të realizuara që nuk duhet të kalojnë bilancin e vlerësuar dhe me faturën totale të klinikës.

Flukset financiare në hyrje kanë tendenca luhatëse, është kjo një karakteristikë e aktivitetit profesional.
Levine na paralajmëron dhe për realizimin e shpenzimeve jashtë buxhetit në momentet kur kemi më shumë të ardhura: mund të reduktojmë në mënyrë drastike fitimin e aktivitetit pasi rrisim shpenzimet në mënyrë jo të programuar.

Edhe investimet që lidhen me jetën private, nëse janë domethënëse si blerjet për kasën, duhen planifikuar në mënyrë të kujdesshme.

Për shumë vite profesionistë të shumtë kanë punuar me "sirtarin" e të ardhurave nga i cili merrnin lekë për faturat dhe mbetej një fitim i mirë. Situata ekonomike ka ndryshuar ndjeshëm dhe sot për të mbetur në treg nevojitet që të kesh dhe kompetenca në administrimin financiar siç na mësojnë menaxherët e biznesit: CEO.

Nën kujdesin e: Davis Cussotto, stomatolog, Twitter @DavisCussotto

Përktheu: Erjola Taga