Përhapja e fjalës për të komunikuar dhe konkurruar

Si ta bëjmë që të lindë dhe si ta drejtojmë

Nga Cussotto Davis

Ushtrojmë Profesionin në një skenar në evoluim të vazhdueshëm. Kërkesa për kura dentare paraqet disa aspekte emergjente: plakjen e popullsisë, kujdesin e madh ndaj estetikës dhe ndaj parandalimit, vështirësinë e pacientëve/konsumatorëve për të rikuperuar të ardhurat para krizës, rritjen e rasteve të blerjeve online dhe kujdesin më të madh ndaj raportit cilësi - çmim.

Oferta e tregut në një raport osmotik me kërkesën, paraqet dy aspekte kryesore: difuzioni i shpejtë i teknologjive dixhitale që zgjerojnë zgjidhjet terapeutike dhe ekspansioni i lojtarëve të rinj dentarë që dalin në treg duke përdorur strategji komunikimi të llojit komercial të nënshtruara nga sektorët e mëdhenj të distribucionit. Në këtë kontekst për të përmirësuar klinikën e mirë dhe marrëdhënien me pacientin, pikat e forcës së një klinike të madhe dhe asaj më të vogël, duhet të mbështeten te përhapja e fjalës.

Një instrument tradicional me kosto të ulët që shfrytëzon fjalën që përhapet, që lind për shembull nga eksperienca e një pacienti që është më i kënaqur nga performanca e marrë. Rrjetet vertikale të publicitetit tradicional që lëshojnë mesazhin "unë jam i zoti" në komunitetin e konsumatorëve/pacientëve janë sot më të dobët karshi rrjeteve horizontale apo rrjeteve F (familja, miqtë [friends], facebook, ndjekësit [follower]), që lëshojnë mesazhin "ai është i zoti".

Për ta mbështetur këtë është Philip Kotler, eseist dhe docent i komunikimit strategjik që identifikon rrjetet horizontale me përhapjen e fjalës. Përhapja e fjalës bëhet kështu strategjike për të komunikuar dhe konkurruar. Për të kuptuar mekanizmin nevojitet që të shohim performancën nga pikëpamja e pacientit që përjeton nga dentisti një eksperiencë të dyfishtë, kurimin dhe konsumin. Eksperienca e parë e kurimit lind nga një nevojë reale apo e perceptuar e pacientit që kërkon një profesionist që mendon se mund të zgjidhë problemin e tij. E dyta, eksperienca e konsumit, lind nga kontakti me ambientin organizativ dhe atë të marrëdhënies së klinikës.

Performanca e dentistit do të jetë e vlefshme nëse ndarja klinike, organizative dhe ajo e marrëdhënies do të jenë të mirë harmonizuara midis tyre.

Një kurë klinikisht perfekte shoqëruar nga mungesa e marrëdhënieve dhe organizimit gjeneron pakënaqësi te pacienti/konsumatori. Dentisti në fakt punon në fushën e shërbimeve të shëndetit. Për të kryer në mënyrë korrekte performancën nevojitet një ambient organizativ dhe një skuadër e vogël, ekipi dentar që identifikon klinikën dentare. Eksperienca që nxit përhapjen e fjalës lind nga një amalgamë elementesh klinike, organizative dhe ato të marrëdhënieve: logjistika (lokalizimi, aksesi, parkimet), përdorimi i markës, komunikimi në ueb, ambientet e klinikës (mobilimi, drita, aromat...), teknologjitë në dispozicion, dokumentet e krijuara (preventivi, lajmet, broshurat...), menaxhimi i kohës (oraret dhe korrektësia), transparenca në raportin kontraktual, koherenca në komunikim, menaxhimi i sekelave terapeutike (eksperienca e kurës vazhdon në kohë me rithirrjet për higjienë).

Përhapja e fjalës nuk lind vetëm nga goja e pacientëve të lumtur por dhe nga të njohur të thjeshtë, bashkëpunëtorë, vartës, miq dhe ndonjëherë nga lundruesit në rrjet, të njohurit virtualë që janë dashuruar nga marka e klinikës apo nga imazhi i saj në ueb. Andy Sernovitz në artin e shenjtë të përhapjes së fjalës (Milano Corbaccio 2011), shpjegon se personat flasin për dentistin që të shfaqen inteligjentë, të ndihen të rëndësishëm, të ndihen pjesë e një grupi apo thjesht për të ndihmuar të tjerët. Esenciale është kura e vetë pranisë në rrjet, siti i internetit dhe fanpage në facebook, një përdorim i matur i email-it pa lënë pas dore mundësitë në rritje të ofruara nga aplikacioni i mesazheve të menjëhershme si WhatsApp.

Burimi: Odontoiatria33.it

Përktheu: Erjola Taga