Kartëvizita më e mirë për klinikën? Banja

7 këshilla për ta bërë komode dhe një provë gjykimi

Ndër aspektet më pak të konsideruara kur projektohet dhe realizohet klinika stomatologjike është sigurisht banja. Natyrisht konsiderohet nga pikëpamja normative, nga ajo praktike por pothuajse kurrë nga pikëpamja e imazhit. Kujdesi për të shmanget duke u drejtuar drejt ambienteve të tjera: sallat klinike, sekretaria, salla e pritjes.

"Banja tregon shumë për ambientin e punës në të cilin gjendemi", thotë Moyra Girelli, trajnuese dhe konsulente e procesit, eksperte në menaxhimin e ndryshimit të Aula41.

"Puna ime më çon që të udhëtoj shumë dhe të ndërroj shpesh, edhe pse për pak orë apo pak ditë, kontekste të ndryshme organizative: zyra, klinika dentare, studio profesionale, dyqane, ente formuese. Është një gjë që nuk pushon kurrë së më befasuari rëndësia e ulët që pjesa më e madhe e organizatave i jep kujdesit dhe pastrimit të shërbimeve higjienike. Gjejmë gjithçka: orendi të shkatërruara ose me forma dhe ngjyra të pamundura, kushte higjienike shumë të turpshme, impiante aspirimi që nuk funksionojnë, rrjedhje uji, drita që kanë ndërprerje si në prag të vdekjes, mungesa e sapunit, e letrave për duart (dhe jo vetëm), e vendeve për t'u mbështetur apo mbajtëseve për çantat e zonjave".

Sipas Konsulentes aspekti më i nënvlerësuar është ai që në psikologji quhet "efekti aureolë", pra shtrirja e një karakteristike për të gjitha, edhe nëse kemi eksperimentuar vetëm një pjesë. "Bëhet fjalë për atë mekanizëm për të cilin një përshtypje sipërfaqësore transformohet në një gjykim".

"Nëse ju shkoni në një restorant të ri që persona të besuar jua kanë sugjeruar pasi aty ushqimi është i mrekullueshëm, personeli i sallës është simpatik dhe i sjellshëm, ambienti i kuruar dhe i pastër dhe çmimet absolutisht të favorshme dhe kur mbërrini kaloni nga banja për të larë duart dhe e gjeni të pistë dhe të çrregullt, me aromë të keqe, cili është mendimi i parë që ju lind? Që atë ditë diçka ka shkuar keq por sigurisht është një përjashtim apo që miqtë tuaj ju kanë mashtruar? Mendoni se duhet të bëhet fjalë për një gabim momental apo që duke u nisur nga kjo edhe kuzhinat do të jenë gjithashtu të pahijshme? Po dëshira për të shijuar delikatesat e lokalit rritet apo zvogëlohet? Sipas ekspertit, të njëjtin perceptim kanë pacientët kur futen në banjën e dedikuar për ata në klinikën tuaj. Sigurisht një klinikë duhet të respektojë normat, mbi të gjitha ato higjienike por kjo nuk do të thotë se banja nuk duhet të jetë një zonë "e kuruar" si të gjitha të tjerat në klinikë".

Këto janë gjërat që duhen dhe s'duhen bërë sipas ekspertit:

1. Identifikoni një përgjegjës që të shkojë të kontrollojë dhe nëse nevojitet të pastrojë banjën disa herë në ditë: si i pari dhe i fundit pacient i ditës kanë të drejtën e të njëjtit nivel kujdesi dhe vëmendje.
2. Hiqini nga mendja peshqirët e duarve prej sfungjeri, krijojnë më shumë parehati se rehati.
3. Vendosni varëse ose vende për të mbështetur apo varur çantat: shmangni që të vendosni pacientët tuaj në kushtet që duhet të vendosin sendet e tyre personale në tokë.
4. Bëni të mundur që banja të ketë gjithmonë dritare (nëse është e mundur) apo të paktën një impiant aspirimi të shkëlqyer.
5. Sigurohuni që materialet e konsumit të jenë gjithmonë të pranishme dhe në gjendje shumë të mirë (fillojmë të konsiderojmë materialet e konsumit dhe furçën e tualetit dhe mbajtësen e saj që duhen ndërruar sipas një farë frekuence).
6. Orenditë mbajini të kuruara dhe rinovojini kur të jetë e nevojshme, përfshirë dhe ngjyrën e mureve.
7. Mos e lini në dukje setin e pastrimit (sfungjerë, kosha, detergjente, fshesa, doreza etj.).

Burimi: Odontoiatria33

Përktheu: Erjola Taga