Check-up - i i klinikës për të kuptuar nëse gjithçka është në rregull dhe ku duhet ndërhyrë për t'u përmirësuar. 10 pikat që duhen ekzaminuar

Përveçse është titulli i një filmi të famshëm të treshes komike Aldo, Giovanni e Giacomo, "Më pyet a jam i lumtur" është edhe një pyetje që duam ta parashtrojmë: Dentist, a je i lumtur? Klinika jote "funksionon"? Ke një vizion për zhvillimin e klinikës tënde në të ardhmen dhe të rritjes së stafit tënd?
Nëse percepton disa "simptoma" që shënojnë nevojën për të ndërhyrë për të rritur efikasitetin dhe efektivitetin e klinikës, atëherë është e qartë nevoja e një momenti reflektimi: ashtu si kur fillojnë simptoma alarmuese në trupin tonë ne i drejtohemi mjekut tonë të besueshëm, ashtu edhe për klinikën dentare është mirë të bëjmë një check-up të aktivitetit, me qëllim që të shohim gjendjen aktuale, duke e krahasur me të dhënat historike dhe me parashikimet për të ardhmen dhe të drejtojmë ndërhyrjet me qëllim që të përmirësojmë performancën dhe të zgjidhim probleme specifike.
Nuk është fjala për analizimin vetëm të variablave ekonomike dhe financiare të organizimit, por, shpesh edhe mjetet efikase dhe inovative të kërkimit lejojnë që të dalin elementë të rëndësishëm të burimit më të rëndësishëm të ndërmarrjes: ajo njerëzore.

Struktura e klinikës, në fakt nuk mund të trajtohet si një ndërmarrje prodhuese, as si një organizatë me qëllim (të vetëm) fitimprurës, por është një sistem i veçantë, me ekuilibra delikatë dhe që duhen ruajtur. Po flasim për përditshmërinë e punës, për marrëdhëniet me pacientët, për aftësinë për të bashkëpunuar me stafin dhe atë deleguese të mjekut drejt personelit ndihmues, për bashkëpunimet midis roleve dhe mentaliteteve të ndryshme, për lidhjet midis elementëve të veçantë dhe bashkëpunimit në grup... dhe për të gjitha karakteristikat e klinikës që kanë të bëjnë me dimensione më pak të zgjeruara, të fshehura, të organizimit dhe që kanë të bëjnë më shumë me "si" sesa me "çfarë".
Aspektet sasiore kanë sigurisht rëndësinë e tyre: trendi i faturimit sipas tipologjisë së performancës së çdo profesionisti, trendi i fluksit të pacientëve të rinj dhe origjina e tyre, analiza e të ardhurave përmbledhëse, sipas shërbimeve të veçanta apo të gjitha së bashku, verifikimi i shkallës së përdorimit të klinikës, vlerësimi i çmimeve të aplikuara, kontrolli i drejtimit të magazinës dhe të fluksit të kasës... Këto aktivitete si ato të mëparshmet, nëse janë kryer kryesisht në mënyrë analitike, bëhen strategjike për eksplorimin e margjinave të mundshme për përmirësimin e klinikës dhe si pasojë planifikimi i veprimeve me afat të mesëm apo të gjatë nga pikëpamja ekonomike dhe drejtuese.
Në fakt check-up - i i klinikës duhet të jetë leximi dhe interpretimi i funksionimit të organizimit në tërësi, në të gjitha aspektet. Duhet të zgjidhë probleme dhe të përcaktojë se cilat lloje të ndryshimit janë të mundura - ose thelbësore - për të forcuar konkurrencën e proceseve dhe për të përmirësuar cilësinë e shërbimit ndaj pacientit.

Duke e përmbledhur, check-up - i i plotë i klinikës duhet të ekzaminojë aspektet e mëposhtme:
1. Vlerësimi i ekipit të mjekëve dhe të klimës organizuese.
2. Ekzaminimi i preventivëve dhe i mjeteve komerciale në përdorim.
3. Kontrolli i mjeteve informuese dhe fluksit të punës.
4. Analiza e imazhit dhe e komunikimeve të realizuara.
5. Analiza e fluksit të pacientëve dhe trendi i shërbimeve të kryera.
6. Kontrolli i drejtimit dhe vlerësimi i performancës së klinikës.
7. Kontrolli i konkurrencës.
8. Analiza e pozicionimit.
9. Identifikimi i elementëve të diferencuar.
10. Identifikimi i masave korrigjuese që duhen marrë!

Nën kujdesin e : Network Key - Stone - uficiostampa@key-stone.it

Përktheu: Valbona Spahia