Te kirurgët oral problemet kardiovaskulare janë më të shpeshta. Një studim shkencor e vë në dukje

Stresi kronik i punësimit prek 10% të popullsisë evropiane: të dhënat e siguruara nga Instituti superior për parandalimin dhe sigurinë në punë (ISPESL) flasin për më shumë se 40 milionë persona të prekur nga ky fenomen patogjenetik socio - shëndetësor. Sipas vlerësimeve të Europian Foundation for the Improvement of Leaving and Working Condition, shpenzohen rreth 20 miliardë euro për kostot sociale dhe shëndetësore që lidhen pikërisht me stresin e punësimit.

Një studim i fundit shkencor, i realizuar falë një bashkëpunimi midis klinikës stomatologjike Calabrodental dhe Institutit të kërkimeve bio-mjekësore Tecnologica Research Institute di Crotone, ka vënë në dukje sesi stresi vepron në mënyrë të rëndësishme te kategoria e kirurgëve oral, duke vënë në dukje një gjendje risku kardiovaskular më të madh për kirurgët me më pak eksperiencë.

Studimi, i publikuar në revistën shkencore Plos One, pikë referimi autoritative për kërkimet në fushën bio - mjekësore është kryer nga grupi i kërkimit i përbërë nga prof. Massimo Marrelli (Drejtor Shkencor i Klinikës private Calbrodental), nga dr. Marco Tatullo (Drejtor Shkencor i Tecnologica Research Institute) dhe nga bashkëpunëtorët dr. Francesco Paduano, dr. Stefano Gentile dhe dr. Francesca Palmieri.
Kërkimi bazohet në analizën e disa parametrave specifike biologjike (hormonalë, imunologjik dhe kardiovaskular) që rezultojnë të ndryshuar kur një individ i nënshtrohet stresit psiko - fizik për një kohë të gjatë. Prof. Marrelli dhe bashkëpunëtorët e tij kanë monitoruar për disa muaj një grup kirurgësh oralë, duke evidentuar se pavarësisht nga vështirësia e ndërhyrjes kirurgjike, kirurgët më ekspertë arrijnë të kontrollojnë nivele të ndryshe të stresit, duke mbajtur brenda parametrave fiziologjik parametrat biologjikë të analizuar, ndërsa kirurgët më të rinj tregonin maja stresi intra - operativ statistikisht më të larta dhe potencialisht të dëmshme.

Ky kërkim hap pra rrugën për krijimin e strategjive të reja për monitorimin e biomarkers që lidhen me stresin, me qëllim që të sillen udhëzimet për të identifikuar dhe minimizuar faktorët stresogjen që kirurgët oral i nënshtrohen çdo ditë, duke reduktuar kështu sëmundshmërinë profesionale të kësaj kategorie profesionistësh.

Nën kujdesin e: Marco Tatullo; DDS , PhD Scientific Director - Biomedical Section - Tecnologica Research Institute - Crotone Italy

Përktheu: Valbona Spahia