Lajmet false janë përfshirë edhe te temat profesionale. 3 lëvizjet për t'i "parandaluar" dhe për të mos u kushtëzuar

Nga Davis Cussotto

Nuk ekziston një e vërtetë me të cilën të jemi të gjithë dakord. Disilikati i litiumit është më i suksesshëm në versionin tradicional të presimit apo kur realizohet me anë të zvogëlimit të frezimit me një teknikë CAD CAM? Laseri në xhepin periodontal është efikas apo nuk është në gjendje të zëvendësojë lëmimin e rrënjës në terapinë periodontale të mirëmbajtjes?

Vlera e të vërtetës së këtyre pohimeve nuk është absolute. Jemi të ndërgjegjshëm për këtë sepse kemi bindjen ose shpresën se metoda shkencore, e lindur që me Galileo Galilein me kalimin e kohës do t'i japë një vlerë vërtetësie gjithnjë e më të madhe njërit prej propozimeve, deri kur të mos flitet më për kundërshti.

Nëse jemi të bindur që disilikati tradicional është më i mirë atëherë priremi të lexojmë me më shumë vëmendje artikujt që vlerësojnë këtë hipotezë. Te PLOS (Public Library of Science) mund të gjejmë gjithçka dhe të kundërtën e çdo gjëje.

Por kjo është vetëm gjysma e problemit.
Ashtu siç e shpjegon edhe Danny Sullivan gazetar amerikan i portalit Search Engine Land, ajo për të cilën nuk jemi të vetëdijshëm është që informacionet filtrohen për ne në bazë të bindjeve tona prekonkrete.

Google, "princi" i motorëve të kërkimit (Search Engine), ofron rezultate të personalizuara në bazë të të dhënave tona të navigimeve të mëparshme, në feed të Twiter dhe Facebook, blerjeve të realizuara në Amazon ose vendeve që kemi vizituar. Duke qenë se e gjithë kjo ndodh në mënyrë të padukshme, kemi prirjen që të fitojmë gjithnjë e më shumë besim për bindjet tona shkencore dhe për preferencat tona kulturore. Ky proces mund të na bëjë profesionistë më të dobët.

Por si mund të vendosim në mënyrë të arsyeshme se çfarë është e drejtë apo e gabuar nëse nuk jemi të gatshëm për mënyra të tjera të menduari?

Duke qëndruar robër nga paragjykimi i konfirmimit të shkaktuar nga Interneti mund të mos kuptojmë vlerën e të resë që avancon dhe kështu dalim nga tregu i punës.

Por ja cilat janë tre sugjerime nga Danny Sullivan, për të reduktuar në minimum kërkimet në Internet që Google do të personalizojë mbi bindjet tona:

1) Përdor navigimin në Incognito window.
2) Fshij informacionet e navigimit që browser ruan ose çaktivizo kronologjinë e uebsiteve që ke vizituar.
3) Në rrjetet sociale përfshi ndërmjet followers (ndjekësve) të pazakontë të dyshimtë edhe personat që vlerëson por kanë vizione të kundërta me të tuat. Jo gjithmonë është një avantazh konkurrues që të kesh Google nga ana jote.

Përktheu: Valbona Spahia