Gjenerata dixhitale refuzon higjienën orale. Sipas një kërkimi gjerman, nuk arrijnë të përdorin me saktësi furçën e dhëmbëve

Nga Davis Cussotto

"Millennials", gjenerata e parë dixhitale sipas një studimi të fundit të kryer nga kërkuesit e Justus Liebig University Giessen (Gjermani) të udhëzuar nga Renate Deinzer dhe të publikuar në BMC Oral Health, kanë pak familjaritet me higjienën orale dhe vështirësi për të përdorur me saktësi furçën e për të hequr pllakën bakteriale.

Sipas Renate Deinzer: "kanë boshllëqe të mëdha mbi mirëmbajtjen e higjienës orale në një cilësi të mirë. Për këtë arsye dentistët dhe higjienistët duhet të impenjohen që të kërkojnë përfshirje më të madhe të tyre në parandalim."

Kërkuesit kanë seleksionuar në Gissenm, 98 vullnetarë të lindur në 1995. Kanë përjashtuar pacientët në trajtim stomatologjik, ata me periodontopati juvenile, të rinjtë me handikape motore në gjymtyrët superiore dhe ato që kishin zakon të përdornin furçën elektrike. Pjesëmarrësve i është kërkuar që të lajnë dhëmbë sa më mirë pa ju dhënë instruksione specifike. Janë pajisur me furça, pastë, fill dhe një tablet që duhej vendosur përpara pasqyrës së banjës për të filmuar veprimet e higjienës orale.

Lajmi i mirë është që pjesëmarrësit i kanë kushtuar mesatarisht 3 minuta e 20 sekonda çdo larjeje të dhëmbëve. Megjithatë pavarësisht maratonës së larjes së dhëmbëve rezultati ishte zhgënjyes. 70% e kampionit ka përdorur 40% të kohës duke fërkuar horizontalisht sipërfaqet vestibulare të dhëmbëve dhe paraqisnin depozitime të zgjeruara të pllakës pasi përfundonin praktikën e higjienës. Të gjithë të rinjtë kanë fërkuar tre herë më gjatë sipërfaqet okluzale në krahasim me ato palatinale; 80% harronte të paktën një sekstant palatinal; vetëm 5% fërkonte të gjitha sipërfaqet, por duke i dedikuar këtyre zonave vetëm 7 sekonda dhe vetëm 15 pjesëmarrës përdorte fillin interdentar.

"Studimi është kryer në një qytet të vogël gjerman dhe në vende të tjera rezultatet mund të jenë të ndryshme", - thotë Deinser, - "megjithatë millennials që kanë aderuar mund të kenë influencuar rezultatet duke demonstruar një zell më të madh në krahasim me zakonet e higjienës rutinë që mund të jetë edhe më e keqe".

Kërkuesit shpresojnë që studime analoge të realizohen në zona të tjera gjeografike.

Deizen përmbyll duke thënë: "Si një mjek që kërkoj çdo ditë të përmirësoj motivimin e pacientëve për parandalimin, e mbyll duke thënë një konsideratë personale mbi këtë kërkim shumë interesant. Nuk duhet të supozojmë asnjëherë se pacienti ynë, pavarësisht moshës së re dhe kulturës së tij, di saktësisht sesi, kur dhe përse është e nevojshme që të bëjë disa veprime në pastrimin e dhëmbëve dhe t'i mbajë ato të shëndetshëm. Komunikimi i mirë pa anashkaluar asgjë mund të bëjë diferencën."

Përktheu: Valbona Spahia