Sipas FederAnziani një i moshuar nga tre ka hequr dorë nga kurat stomatologjike

Vetëm 58% e personave mbi 65 vjeç frekuenton rregullisht klinikën stomatologjike

Është vënë re se një nga pasojat e krizës është dhe ajo e neglizhimit të shëndetit oral duke mos ndjekur trajtimet e nevojshme stomatologjike. Këtë përfundim ka nxjerrë FederAnziani që ka kryer një sondazh në bashkëpunim me Federatën e mjekëve të mjekësisë së përgjithshme nëpërmjet një pyetësori mbi patologjitë kryesore të propozuara për personat mbi 65 vjeç që frekuentojnë mbi 3500 qendra të moshuarish te FederAnziani dhe nëpërmjet klinikave mjekësore të Mjekësisë së Përgjithshme.
Të dhënat e grumbulluara nëpërmjet 40 mijë pyetësorëve të parë të numëruar janë inseruar në Compendio SicSanità.

Nga pyetësorët rezulton se përsa i përket stileve të jetesës, personat mbi 65 vjeç i dedikohen shumë pak vesit të duhanpirjes: vetëm 11,46% pi duhan në krahasim me 20,9% të popullsisë kompleksive me më shumë se 14% dhe nga ana tjetër personat mbi 65 vjeç nuk janë shumë të kujdesshëm për parandalimin. Vetëm 54,62% në fakt ndjek vaksinimin kundër gripit dhe vetëm 7,5% atë antipneumonik. 69,94% ha perime në çdo vakt por vetëm 42,24% i kushton kohë aktivitetit fizik.

Përsa i përket raportit të kësaj grupmoshe me shëndetin oral studimi ka zbuluar se 58% e të intervistuarve ka pranuar se ndjek rregullisht vizitat te stomatologu ndërsa 28,65% nuk shkon më te stomatologu.

Arsyeja?
Për 71,79% kosto është shumë e lartë ndërsa për 28,2% frika ka qenë shkaku që i mban larg klinikave dentare.

Përktheu: Valbona Spahia