Urdhri i Stomatologut: Klinikat t'i referohen listës së çmimeve dysheme që miratoi Këshilli Kombëtar

Tanimë klinikat dentare kanë një listë me çmime reference dysheme që duhet të aplikojnë. Sipas Kreut të Urdhrit të Stomatologut miratimi i kësaj liste ishte kërkesë e 70% të klinikave dentare që ushtrojnë këtë aktivitet në vendin tonë me qëllim që klinika të caktuara të mos abuzojnë me cilësinë duke ofruar shërbim dentar me çmime më të ulëta.

"Lista me çmime dysheme është thjesht referencë për klinikat dentare. Kjo listë nuk i detyron klinikat dentare as të rrisin çmimin dhe as të aplikojnë çmime më të lira. Pacienti duhet të bëjë kujdes kur merr shërbim dentar me çmime më të lira se këto" - shprehet Dr. Nikollë Deda, kreu i Urdhrit të Stomatologut Shqiptar.

Por ky publikim i kësaj liste çmimesh pritet të çojë në rritjen automatike të çmimeve pa rritur cilësinë e shërbimeve. Të paktën këtë do të bëjnë ato klinika që kanë aplikuar deri më tani çmime më të ulëta. Tregu stomatologjik është pothuajse jashtë kontrollit në lidhje me pajisjet mjekësore dentare që përdorin. Dentist33.al u interesuar pranë Ministrisë së Shëndetësisë në lidhje me këtë veprim të urdhrit. Ata thanë se përfaqësuesi i Ministrisë në Këshillin Kombëtar ka votuar kundër kësaj liste. Burime nga ministria thonë se kjo listë çmimesh është e paaplikueshme pasi nuk është në tagrin e urdhrit të bëjë një gjë të tillë.

Listën e çmimeve të miratuar nga Asambleja Kombëtare dhe Këshilli Kombëtar e gjeni duke klikuar këtu.

Përgatiti: Alma Demiraj