Stomatologjia: një profesion për t'u dashuruar!

Për të kuptuar më mirë gjendjen shpirtërore me të cilën stomatologët përballen me punën e tyre dhe në disa raste arrijnë që ta braktisin atë, një grup studiuesish holandezë ka provuar që të analizojë nivelin e motivimit të profesionistëve duke zbuluar se profesioni është aktualisht "i shëndetshëm" dhe se "mbështetja" e tij dhe ajo e angazhimit individual janë rezultatet konkrete që përftohen në një kohë të shkurtër dhe të gjatë.
Studimi i publikuar kohët e fundit nga revista Community Dentistry and Oral Epidemiology, ka përfshirë 632 stomatologë holandezë me një moshë mesatare rreth 44 vjeç.
"Nga ballafaqimi midis të dhënave të mbledhura nëpërmjet pyetësorit dhe mesatareve të cilat disponojmë, që përfaqësojnë motivimin e punëve në disa profesione të tjera, mund të afirmojmë se stomatologët kanë dëshmuar se zotërojnë një dedikim më të madh drejt punës së tyre, term që në analizën tonë përfshin entuziazmin, krenarinë për profesionin që zhvillohet, në kuptimin që kjo mbush individin dhe kapacitetin për të mbledhur sfidat edhe kur paraqesin vështirësi", shpjegon Ronald Gorter, docent i Stomatologjisë sociale dhe shkencave të sjelljes pranë Academic Centre for Dentistry (Acta) në Amsterdam, Holandë.
"Nga krahasimi zbulohet se stomatologët janë më të përfshirë në profesionin e tyre në sensin që e zhvillojnë profesionin me më shumë përqendrim dhe se koha e punës në perceptimin subjektiv kalon "më shpejt" në krahasim me ditën e punës së punonjësve të tjerë".
Veçmas nga arsyet që stomatologu gjen brenda tij, kërkuesit kanë analizuar ato që vijnë nga natyra e punës. "Në këtë fushë thelbësore, elementet më të rëndësishme për stomatologët kanë qenë rezultatet konkrete dhe afatshkurtër, pra që të shohin menjëherë përmirësimin te pacienti pas një trajtimi të arrirë dhe të atyre afatgjatë, pra kënaqësia e pacientit dhe fakti se kanë fituar besimin e tij", - vijon docenti - "të gjithë elementet e analizuar janë dëshmuar njësoj të rëndësishëm për meshkujt dhe femrat me ndryshimin e vetëm se femrat në krahasim me meshkujt kanë dhënë një peshë më të madhe për një burim të tretë kënaqësie, pra fakti që profesioni na lejon që të kujdesemi për pacientin".

Studime të mëparshme kanë vlerësuar se përqindja e stomatologëve për të cilët sfidat e profesionit bëhen shumë sfiduese dhe që mund të arrijnë në braktisje janë 11-15 %; arsyet e paraqitura më shpesh për të shpjeguar këtë zgjedhje janë vështirësia e kontaktit të përditshëm me pacientët, shqetësimet që derivojnë nga menaxhimi i stafit dhe i klinikës, presioni i punës dhe mungesa e perspektivave të karrierës.
"Një pjesë e motivimit derivon nga elemente "të jashtëm" si një ambient pune i organizuar dhe mësimi i kapacitetit për të menaxhuar pacientët, por mendojmë se subjekte si fakulteti i stomatologjisë, shoqatat profesionale dhe shtypi i specializuar mund të kontribuonin në ndërtimin e instrumenteve që i shërbejnë konkretisht profesionistit që të ndërhyjë në elementet e jashtëm me qëllimin për të forcuar motivimin e tij."

Përktheu: Erjola Taga