Eksperienca e bën stomatologun "të pandjeshëm"

Empatia, ose kapaciteti për të ndarë dhimbjet dhe gëzimet e të tjerëve sipas cilësisë, mund të transformohet në defekt nëse kryhet një profesion që na detyron ndonjëherë që të shkaktojmë dhimbje: ky është rasti i stomatologëve, mjekëve dhe kirurgëve që nuk duhet të kurojnë pacientët nëse janë shumë të përfshirë emocionalisht. Pra çfarë ndodh? Kërkuesit amerikanë dhe tajvanezë kanë dëshmuar për herë të parë se praktika dhe eksperienca i "mësojnë" këtyre profesionistëve që të inhibojnë qarkun cerebral që do t'i afronte emocionalisht me pacientin dhe që të aktivizojnë, në vend të tij, qarkun që lejon kontrollin e emocioneve.

"Megjithëse mjekët dhe stomatologët ndonjëherë duhet të kryejnë veprime që i shkaktojnë dhimbje personave që kurojnë, këta nuk mund të mbajnë përqendrimin e kërkuar nga profesioni nëse do ishin të shpërqendruar nga pjesëmarrja empatike", - sqaron Jean Decety, docent i psikologjisë dhe psikiatrisë pranë University of Chicago, në Shtetet e Bashkuara, - "për të kuptuar se si mundet një stomatolog të mbajë shkëputjen, kemi vendosur që të analizojmë çfarë ndodh në trurin e profesionistit në momentin e saktë në të cilin shikon pacientin që vuan në krahasim me atë që nuk kryen këtë punë." Kërkimi i kryer në bashkëpunim me institutin e shkencave neurologjike të National Yang-Ming Unversity të Taipei, ka përfshirë 14 mjekë të akupunkturës dhe 14 vullnetarë pa asnjë eksperiencë në praktikën e akupunkturës.
"Dy grupet e personave i janë nënshtruar rezonancës magnetike funksionale ndërsa asistonin ndaj një videoje që tregonte pacientët që i futeshin age sipas teknikave të mjekësisë tradicionale kineze në zonat delikate të gojës, duarve dhe këmbëve", - vijon docenti, - "në korrespondencë me veprimet që me sa duket ishin shkak i dhimbjes, grupi i vullnetarëve regjistronte aktivitet cerebral në rajonin që lidhet me perceptimin e dhimbjes, pra atë që përfshin insula anteriore, materien gri periakueduktale dhe korteksin anterior cingulate; ky qark që çon në empati aktivizohet në mënyrë automatike dhe në terma evolucionar mund të jetë një nga sistemet që organizmi përdor për t'u mbrojtur nga rreziku që ka prekur një person tjetër dhe që mund të godasë, teorikisht, kështu edhe vetë individin."
Kërkimi që është publikuar në revistën "Current Biology", ka dëshmuar se truri i mjekëve nuk është sjellë në të njëjtën mënyrë. "Te mjekët e akupunturës në fakt është vënë re aktivitet cerebral në një zonë tjetër, pra në korteksin parafrontal dhe në TPJ (temporoparietal junction) të djathtë që i korrespondojnë qarkut që lidhet me rregullimin e emocioneve dhe kontrollit konjitiv", - përfundon Decety.
Mjekët kanë mësuar, gjatë përgatitjes së tyre profesionale dhe të praktikës mjekësore që të jenë emocionalisht të shkëputur falë një procesi që mund ta përcaktojmë si automatik; në këtë mënyrë empatia i lë vendin "shqetësimit empatik" që gjenerohet nga kontrolli i procesit instinktiv me tjetrin, lejon që të kalohet afërsia emotive për të mundur që të vendosin në zbatim kapacitetin për të reaguar në interesat e tjetrit".

Debora Bellinzani

Përktheu: Erjola Taga