Larja e duarve në klinikë edhe nëse përdoren dorezat. Këshillat nga CDCP

Nga Davis Cussotto

Stomatologu nuk ka gjithnjë perceptimin e duhur sesa i rëndësishëm është zakoni i thjeshtë i larjes së duarve për kujdesin ndaj shëndetit të pacientit si edhe të gjithë personelit shëndetësor të klinikës. Kjo ka rezultuar nga një studim i fundit nga Hsin-Chung Cheng të kryer në Taipei Medical University College of Oral Medicine në Tajvan dhe të publikuar në Journal of International Medical Research.

Studimi ka monitoruar sjelljen dhe zakonet e higjienës së 37 stomatologëve të rinj në mijëra situata të ndryshme, përpara dhe pas kontaktit me pacientin në kryerjen e ndërhyrjeve në të gjitha degët e stomatologjisë. Observuesit ad hoc të trajnuar, kanë gjykuar saktësinë dhe aderimin ndaj protokolleve të higjienës së kampionit.

Mbi këtë bazë observuesit kanë klasifikuar 5 raste pune të ndryshme:
1. Përpara kontaktit me pacientin.
2. Përpara përdorimit të një instrumenti.
3. Pas kontaktit me pacientin.
4. Në rastin e ekspozimit direkt ndaj likideve të pacientit.
5. Duke prekur zonën përreth pacientit.

Rezultatet evidentojnë që komplianca ndaj larjes së duarve ka qenë 34%, një vlerë shumë e ulët që priret të rritet përpara ndërhyrjeve të kirurgjisë orale në krahasim me ato klinike të përgjithshme.

Nga portali i Center for Disease Control and Prevention në Atlanta (SHBA), që së bashku me OBSH-në promovojnë çdo ditë Global Handwashing Day (këtë vit është më 15 tetor 2019), kemi nxjerrë 5 hapa për të larë duart në mënyrën e duhur:
1) Lani duart me ujë të rrjedhshëm dhe sapun.
2) Lajini duart duke i fërkuar ndërkohë që i keni me shkumë. Sigurohuni që të shkumoni kurrizin e dorës, pjesët ndërmjet gishtave dhe nën thonj.
3) Bëni një scrub të duarve për të paktën 20 sekonda. Nëse keni nevojë për një matës kohe atëherë mund të këndoni nën zë ose me mend këngën "Happy Birthday" nga fillimi deri në fund 2 herë.
4) Shpëlajini mirë me ujë të rrjedhshëm.
5) Thajini me një peshqir njëpërdorimsh ose nëpërmjet makinave me ajër që janë për tharjen e duarve.

Përhapja e gjerë e dorezave njëpërdorimshe nuk na përjashton nga kryerja e kësaj praktike:
A) Në fillim dhe në fund të ditës, përpara dhe pas pushimit të kafes.
B) Përpara ndërhyrjes kirurgjikale, periodontologjike, endodontike.
C) Çdo herë që aksidentalisht duart bien në kontakt me likidet e pacientit përpara dhe pas procedurave klinike jo invazive, është këshilluar përdorimi i detergjenteve alkoolikë që reduktojnë në mënyrë drastike ngarkesën bakteriale.
Thonjtë duhen mbajtur të shkurtër dhe duhen përdorur kremra hidratues për të mbrojtur lëkurën e duarve.

Përktheu: Valbona Spahia