Stomatologu si sipërmarrës, propagandues dhe mjek!

Këshillat si “mund të menaxhojë” të gjitha këto role

Francesca Giani

Si mund të inkuadrojmë aktivitetin profesional në një optikë sipërmarrjeje, duke integruar informacione biznesi, kompetenca koordinimi dhe menaxhim të personave? Cilat janë elementet kyçë mendor të profesionistit dhe të sipërmarrësit të suksesshëm? Sa dhe si janë rolet që merr përsipër dhe që kryhen në brendësi të klinikës dentare? Këto janë disa nga pyetjet e shumta që bëhen në optikën e përbërjes së një metode të organizuar pune në një moment në të cilin menaxhimi i klinikës bëhet dalëngadalë gjithnjë e më kompleks.

Për këtë temë kanë folur Roberta Pegoraro, eksperte e Menaxhimit së bashku me Gabriela Vassura, relatore e kursit "Il dentista Manager". "Në eksperiencën tonë," - shpjegojnë ato - "kemi qenë në kontakt me modele të ndryshme menaxhimi: kemi njohur stomatologë shumë në përqendruar në klinikën e tyre, në kurriz të marrëdhënies me ekipin dhe pacientët; lider të fokusuar në menaxhim që kanë zhvlerësuar konsideratën e kohës në cilësinë e shërbimit, përshtatjen e paralajmërimeve minimale të sigurisë, inovacionin teknologjik dhe atë të materialeve apo sipërmarrës që kanë përcaktuar investime të mëdha për marketing duke mos përfillur formimin dhe inovacionin. Besojmë se një element kyç i organizimit, i komunikimit dhe i marrëdhënies me pacientët dhe ekipin, është ndërgjegjësimi personal për rolin që kërkon situata, momenti dhe bashkëbiseduesi e kjo paraqet një kalim kyç të rritjes personale dhe profesionale."

Nga ana tjetër, të shumta janë rolet që stomatologu merr në brendësi të klinikës: ndonjëherë mund të jetë mjek-stomatolog, ndonjëherë sipërmarrës, ndarës i punës, lider, menaxher apo mund t'i duhet të mbulojë role teknike (RSPP, Titullar i Privatësisë, etj). E njëjta gjë vlen edhe për profesionistët e tjerë të ekipit.

Çështja është që çdo rol kërkon një grup specifik kompetencash dhe ndikon në mënyrë të ndryshme në dinamikën e komunikimit me bashkëbiseduesin. Komunikimi, në fakt, është një proces kompleks, i kushtëzuar edhe nga pritshmëritë dhe prandaj çdo dinamikë parashikon teknika të përshtatshme, që favorizojnë marrëdhënien. Komunikimi, jo rastësisht, është një proces i integruar në rezultatin profesional dhe një nga indikatorët e matjes së performancës.

Ja përse është thelbësore që t'i kushtohet vëmendje maksimale roleve të pranishme në brendësi të një ekipi stomatologjik dhe pritshmërive që lidhen me to, për të zbritur më pas në një ndërtim të saktë të marrëdhënieve. Në mënyrë të detajuar është e nevojshme të arrijmë të klasifikojmë të gjithë rolet, duke i lidhur me modalitetet e duhura të komunikimit dhe të identifikojmë indikatorët e vlerësimit, duke ilustruar sistemin që lejon mbështetjen e procesit të performancës në brendësi të ekipit. Ai që përballet me këtë në bazë të forcës së ekipit dhe të ardhmes së profesionit stomatologjik duhet të stërvitë rrugëtimin e rritjes personale dhe profesionale në brendësi të ekipit. Sepse një ekip me kohezion dhe i kënaqur, që ndan vlerat dhe objektivat është një pikë e fortë për të arritur rezultatet cilësore dhe performancën e dëshiruar.

Përktheu: Valbona Spahia