Klinikat dentare të prekura nga kriza ekonomike dhe ajo e identitetit

“Plani i trajtimit” i këshilluar nga eksperti amerikan

Pjesa më e madhe e klinikave dentare amerikane në 5 vitet e fundit kanë pësuar një rënie të të ardhurave.
Ai që e ka zbuluar këtë është Roger Levin dentist dhe konsulent ndërmarrjeje që i ka dedikuar këtij problemi analizën e tij të fundit "Practice Turnaround: Succeeding in the New Dental Economy".

Me termin "turnaround", Levin nënkupton planin e restaurimit dhe ristrukturimit të thellë të një klinike në krizë. Termi "turnaround" ka të bëjë me dy momente, i pari synon t'i japë fund shkaqeve (kur është e mundur) që kanë çuar në krizë, ndërsa i dyti ka të bëjë me vazhdimin e një plani të rikuperimit të të ardhurave.

Strategjitë për ndryshimet që të mund të rrisin ekonominë, sipas Roger Levin janë katër:
1) Plani financiar
• Monitorimi i kostove fikse që nuk duhet të kalojnë 59% të kostove totale.
• Kontrolli i fluksit të parave, ndryshimet me kalimin e kohës të rrogave, të konsumit të energjisë elektrike, të mirëmbajtjes etj.
• Kontrolli i faturimit që vjen nga fondet ose sigurimet, ndryshimet dhe përqindja mbi faturimin total të klinikës.

2) Parandalimi i faturave të papaguara
• Terapitë e kryera dhe të papaguara i kushtojnë shumë klinikës, vetëm nëse ju jeni në gjendje t'i rimerrni. Duhet të përshtatet një plan pagese në mënyrë që të kryhen vetëm trajtimet që janë paguar. Është e nevojshme të përdorni kredinë konsumatore për të financuar trajtimet e pacientëve.

3) Përtëritja e sistemeve të drejtimit dhe krijimi i një plani marketingu
• Kur ekonomia është në rritje axhendat janë plot me emra pacientësh. Në periudhat e ngecjeve ekonomike ajo nuk mund të rritet duke përdorur sisteme të vjetra, duhet të përditësohen ato duke përshtatur teknologji të reja (software menaxhimi, radiologji dixhitale etj.) dhe të realizohet një plan marketingu për të komunikuar me pacientin.

4) Mbajtja e pacientëve që kanë ardhur edhe më parë:
• Mbaj me kujdes repartin e higjienës orale sepse është ai që siguron një fluks konstant të pacientëve: një pacient që ka përfunduar seancën e higjienës orale del gjithmonë nga klinika me një takim të caktuar gjashtë muaj më vonë.
• Konfirmo takimet 48 orë më përpara, përdor mesazhe në celular ose e-mail.
• Siguro një shërbim shembullor që është gjithmonë duke u përpjekur të tejkalojë pritshmëritë e pacientit për të krijuar përhapjen e fjalës për klinikën.

Nën kujdesin e: Daviss Cussotto, stomatolog

Përktheu: Valbona Spahia