Komunikimi me pacientët nëpërmjet teknologjive të reja

Ja sesi sillen mjekët dhe dentistët

Komunikimi mjek-pacient evoluon dhe ashtu si klinika është bir i kohës. Nëse sot në stomatologji përdorim zbuluesit e apeksit dhe imazhet në 3D, në aktivitetet jashtë klinike përdorim mënyrat e mesazheve të shkruara dhe social web.
Dy sondazhe të fundit mbi këtë temë na ofrojnë informacione interesante. I pari që është realizuar nga Osservatorio Innovazione Digitale in Sanità del Politecnico në Milano për FIMMG (Federazione Italiana Medici di Medicina Generale), evidenton sesi trendi i investimeve në fushën dixhitale është në rritje të vazhdueshme dhe që ndërmjet MMG është konsoliduar përdorimi i modaliteteve të kontaktit me pacientët: e-mail (85%), SMS (65%), Whatsapp (64%) dhe 44% janë të interesuar për zhvillimin e platformave të veçanta.
Shumë e vlerësuar është mundësia për të shpërndarë zgjedhjet terapeutike dhe suportin diagnostikues të realizueshëm me telekonsultim. Sondazhi i dytë është realizuar nga Editore EDRA, duke i dërguar 10.000 dentistëve italianë që janë lexues të Odontoiatria33 një pyetësor mbi temën e teknologjive të reja dixhitale në shërbim të komunikimit mjek-pacient.

Pyetjes se cilat kanale përdorin për të informuar pacientin mbi shëndetin oral 90% ka indikuar materialin e shkruar në letër, 30% me anë të web dhe facebook, 10% blog-un e klinikës dhe postën elektronike dhe 8% një aplikacion të klinikës.

Për komunikimin e drejtpërdrejtë me pacientin përdoret telefoni nga 90% e të intervistuarve, Whatsapp nga 60%, SMS nga 60%, e-mail nga 40%. Nga sondazhi evidentohet edhe që pjesa më e madhe e të intervistuarve është favorizuar nga axhenda e takimeve dhe nga menaxhimi i llogarisë ekonomike në mënyrë dixhitale; ndërsa kartela klinike dixhitale është vlerësuar vetëm nga 40% e kampionit. Rezultatet që evidentojnë një interes në rritje dhe progresiv drejt teknologjive të reja dixhitale meritojnë disa observime.

"Ashtu si teknikat e reja adezive, diagnostikimi 3D dhe restorativa CAD/CAM kanë ndryshuar mënyrën e kurimit, teknologjitë e reja kanë ndryshuar komunikimin me pacientët aktivë ose potencialë duke hapur rrugë të reja," - thotë për Odontoiatria33, Davis Cussotto, autor i librit "Il passaparola per un dental team di successo" (Edicionet EDRA).

"Programimi neurolinguistik na mëson se fjala dhe zëri janë instrumente për kryerjen e veprimeve dhe për prodhimin e efekteve të caktuara te bashkëbiseduesit, qofshin këta pacientë që duhen kuruar apo bashkëpunëtorë që duhen përfshirë në punë. Sot falë mesazheve vokale (në whatsapp, telegraf, messenger, etj.) kemi mundësinë që të zgjerojmë veprimin në mungesë të bashkëbiseduesit."

Në vijim paraqitet një shembull i propozuar nga Cussotto:
Mesazhi vokal në Whatsapp: "Pietro të kujtojmë se nesër duhet të fillosh marrjen e seleparinës për ndërhyrjen që do të kryejmë javën e ardhshme. Kalofsh mirë!"

"Një mesazh vokal," - vijon autori - "nuk është invaziv si telefonata që ka nevojë për sinkroni të bashkëbiseduesve, pra nuk të merr kohë. Intonacioni i duhur i zërit gjatë regjistrimit ka një efekt emocional te pacienti, gjeneron kalimin e fjalës, sepse pacienti ndjehet në qendër të vëmendjes. Të njëjtin instrument mund ta përdorim me sekretaren, e cila ka përmbyllur një punë me rëndësi por nuk kemi pasur mundësinë që ta falënderojmë në fund të ditës. Mjaftojnë pak fjalë me tonin e duhur për të përforcuar motivimin e një bashkëpunëtori me vlerë."
Observimi i dytë më i avancuar i dr. Cussotto lidhet me praninë në web, "vendi ku personat kërkojnë zakonisht përgjigjet për një problem shëndetësor apo të mirëqenies."

"Akronimi NAP (name, address, phone) indikon të dhënat e kontaktit që në rastin e studimit vendosen në skedën Google my business, në website dhe në faqen në Facebook, në mënyrë që të jetë më e lehtë që të na gjejë personi që na kërkon. Ky është synimi minimal që mund të ketë çdo klinikë."

Përktheu: Valbona Spahia