Bashkëpunëtorët në klinikë: Më mirë një pagesë me përqindje apo një pagë fikse?

Prej kohësh klinikat dentare, gjithnjë e më shumë të zëna me një axhendë jo gjithmonë plot por me nevojën se duhet të ketë një bashkëpunëtor për tipologji të caktuara të kurave, zgjedhin të nënshkruajnë një kontratë me dentistin në vend që ta marrin si punonjës. Zgjidhje kjo që preferohet edhe nga "bashkëpunëtorët" sepse i lejon të punojnë në shumë klinika.
Në shumicën e rasteve bashkëpunimi paguhet me përqindje nga fatura që i bëhet pacientit në bazë të punës së kryer nga bashkëpunëtori.

Por a është kjo një mënyrë e saktë?
Sipas disa profesionistëve pagesa e bashkëpunëtorit me përqindje nga pagesa bruto e punës së kryer nga vetë ai është me siguri një praktikë "komode" por që nuk lejon të kuptohet realisht se çfarë bën bashkëpunëtori, apo kostot në klinikë.
Për ta kuptuar, këshillojnë ekspertët, nevojitet më parë të kuptosh cila është kosto e klinikës, cilat janë kostot e ndryshueshme për çdo tipologji të shërbimeve dhe cili është përfitimi që ka klinika në çdo tipologji shërbimi.

Për të llogaritur këtë, vijojnë ekspertët, nevojitet të merren në konsideratë 4 parametra kryesorë:
1) Të ardhurat bruto: i korrespondojnë totalit të faturës dhe është ajo që pacienti paguan në mënyrë kompleksive për një shërbim të caktuar.
2) Kosto fikse e orës së klinikës: i korrespondon asaj që kushton sidoqoftë klinika për një orë, qoftë kur punon qoftë kur nuk punon: qiraja, telefoni, dritat, sekretaria, kontabilisti, amortizimi i pajisjeve, punonjësit etj.
3) Kosto të ndryshueshme për çdo shërbim: është kosto që rrjedh nga ato zëra që kontribuojnë direkt te shërbimet stomatologjike të ofruara: materiale, asistente në poltron, koha që i dedikon profesionisti, etj.
4) Të ardhurat operative ose përfitimi: është e dhëna që tregon sesa fitohet mbi çdo shërbim të caktuar. Është e barabartë me diferencën midis të ardhurave bruto - kosto fikse (orarit), kosto e ndryshueshme e shërbimit.

Pasi janë përcaktuar këto vlera duhet të krahasohen me bashkëpunëtorin duke vendosur një përqindje mbi të ardhurat operative dhe jo mbi faturimin bruto duke qenë se kosto operative ndryshon nga shërbimi në shërbim, sidomos në bazë të kohës që i dedikohet për ta kryer dhe pra, kostos së orarit të klinikës.
Të kuptosh, pra kostot e klinikës tënde, këshillojnë ekspertët është hapi i parë për të përcaktuar kompensimin e duhur për bashkëpunëtorët tuaj, një e dhënë që mund të arrihet duke analizuar kontabilitetin personal, ndoshta nëpërmjet një software të mirë drejtues ose duke u ndihmuar nga konsulenti personal.

Përktheu: Valbona Spahia