Dentistët mund të ndihmojnë në zbulimin e shenjave të dhunës në familje

Prania e lezioneve në kavitetin oral mund të jetë një tregues i lezioneve cerebrale traumatike që lidhen me dhunën në familje. Por mund të jenë dentistët profesionistët e parë shëndetësorë që janë në gjendje të identifikojnë këto situata.

Ky ka qenë përfundimi i artikullit "Dentists can aid in detecting signs of domestic violence", që është publikuar në prillin e shkuar në Journal of Aggression, Maltreatment and Trauma i realizuar nga Timothy Ellis Jr., student i stomatologjisë në Midwestern University College of Dental Medicine në Phoenix, dhe Jonathan Lifshitz, PhD, drejtor i Translational Neurotrauma Research Program në University of Arizona College of Medicine.

Denticioni si biomarker
Autorët indikojnë se 41 milionë persona pësojnë dhunë në familje gjatë jetës së tyre dhe nga këto 21 milionë pësojnë një traumë në kafkë.

Studimet epidemiologjike tregojnë se pjesa më e madhe e rasteve të dhunës në familje çon në trauma në kokë dhe qafë, që shkaktojnë qoftë lezione cerebrale traumatike qoftë lezione orale me dëmtim pasues maksilo-facial.

Prandaj, autorët evidentojnë mundësinë për të përdorur gjendjen e denticionit si biomarker të besueshëm për të identifikuar lezionet që lidhen me dhunën në familje.

Indikator i mundshëm i abuzimeve dhe lezioneve cerebrale, sipas autorëve është edhe gjetja e frakturave të dhëmbëve, luksacionet, fraktura maksilare dhe mandibulare si edhe prania e çngjyrosjes së dhëmbëve, rrënjët e lëvizura dhe nekroza e pulpës mund të justifikojnë hetime të mëtejshme.

Megjithatë, dentistët marrin pak ose aspak informacione në lidhje me identifikimin e dhunës në shtëpi dhe nuk kanë shumë njohuri për rolin që mund të kenë në një kontekst kaq delikat.

"Kam folur me dentistë të ndryshëm për këtë temë," - ka deklaruar Ellis. - "Shumë prej tyre e konsiderojnë shumë interesante por kanë pak eksperiencë. Përgjigjja më e zakonshme që marr është që nuk e kishin menduar kurrë apo që traumat që lidhen me dhunën në familje nuk janë një temë që ju vjen ndërmend kur bashkëveprojnë me pacientët."

Autorët theksojnë se për momentin puna e tyre është bazuar ekskluzivisht në supozime dhe ekzistojnë prova minimale që bëjnë lidhjen e argumenteve.

Por ata nënvizojnë që krahas punës kërkimore duhet edhe fillimi i një procesi sensibilizues dhe formues në brendësi të ekipit stomatologjik për lidhjen e mundshme të lezioneve/dhunës në familje, duke pasur parasysh veçanërisht personin me të cilin kanë të bëjnë.

"Dokumenti është një hamendësim sepse asnjë kërkim sistematik mbi temën e rolit që dentistët mund të kenë në identifikimin e një lidhjeje ndërmjet traumave të kafkës dhe dhunës në familje që është bazuar në biomarkatorët oralë nuk është përfunduar," - ka komentuar Ellis.

"Objektivi ynë është sidomos ai i sensibilizimit mbi këtë argument në mënyrë që gjatë pritjes që kërkimi të kryejë detyrën e tij komuniteti të mos humbasë rastin për të ndërhyrë në kontekste dramatike. Hapat vijues do të përfshijnë përpjekjet e vazhdueshme për të rritur ndërgjegjësimin, për të ndërtuar një program edukues të bazuar në kompetencat interprofesionale dhe për të filluar grumbullimin e të dhënave sistemike."

Përktheu: Valbona Spahia