Vlerësimet në Web për klinikat dentare: të vërtetat dhe të fshehtat

Nga Davis Cussotto

Në vitet e fundit, ka pasur një rritje të platformave online që i lejojnë qytetarëve që të shkruajnë vlerësime dhe komente për mjekun dhe për klinikën ku kanë marrë trajtimin. Rritja e rrjeteve sociale ka dilatuar më pas në mënyrë të konsiderueshme hapësirën dixhitale që është në dispozicion për këtë aktivitet, i cili sot nuk është më ekskluziv i website-ve por përfshin motorët e kërkimit, komunitetin online dhe që gjejnë një jehonë të fortë në rrjetet sociale.

Council of European Dentists (CED), shoqata evropiane që përfaqëson 340.000 dentistë në të gjithë Evropën, e drejtuar nga italiani Marco Landi, me anë të një rishikimi ka shprehur dy shqetësime kryesore ku i pari ishte diferenca thelbësore ndërmjet profesionistit të shëndetit oral dhe llojeve të tjera të kompanive.

Të parët shpesh nuk janë në gjendje që të përgjigjen, kundërshtojnë ose sqarojnë komentet për shkak të privatësisë në lidhje me pacientin. Kjo është veçanërisht e vlefshme kur bëhet fjalë për feedback mbi aspektet më delikate të trajtimit individual, siç është plani i trajtimit, shpenzimet shëndetësore, etj., ose kur flitet për deklarata false anonime që bëhen nga konkurrenca. Shqetësimi i dytë në lidhje me kompanitë e tjera ka të bëjë me platformat që nuk janë subjekt i ndonjë certifikimi duke e bërë kështu profesionin e shëndetit një objekt tërheqës për vlerësimet anonime: këto mund të jenë shumë pozitive ose shumë të dëmshme, false dhe ofenduese.

Prandaj CED mendon se duhet të moderohen këto website dhe duke ju drejtuar Komisionit Evropian ka përpiluar një seri rekomandimesh që identifikojnë 20 kritere të cilësisë për vlerësimin e dentistëve online.

1) Vlerësimi duhet të ketë lidhje vetëm me raportin pacient/ofrues i shërbimeve, duke shmangur komentet jashtë teme dhe ato personale.
2) Pronari i platformës online duhet të identifikohet dhe të jetë i besueshëm.
3) Në mënyrë të ngjashme edhe mbështetësit financiarë të së njëjtës platformë.
4) Duhet të shfaqet data e përditësimit të fundit të faqes apo website.
5) Duhet të përfshihet një deklaratë mbi privatësinë dhe politikat për menaxhimin e të dhënave, fshirjen dhe transferimin te palë të treta.
6) Duhet të bëhet një dallim ndërmjet deklaratës dhe publicitetit.
7) Duhet të evidentohet që të gjithë mesazhet janë opinione personale.
8) Duhet të ofrohet një funksion kërkimi për të gjetur dentistë të caktuar.
9) Sistemi vlerësues është lehtësisht i kuptueshëm.
10) Personat që bëjnë vlerësimit duhet të identifikohen nga pronari i platformës online nëpërmjet një procesi të përshtatshëm regjistrimi ose nëpërmjet një mënyre tjetër të identifikimit elektronik. Vlerësimet online duhet të mbeten anonime.
11) Feedback duhet të strukturohet duke pasur parasysh të paktën kriteret në vijim: përshtypjen e përgjithshme, profesionalitetin, strukturën dhe komunikimin.
12) Pacientët duhet të konfirmojnë se kanë marrë personalisht trajtimin ose shërbimet për të cilat po komentojnë dhe të specifikojnë datën e marrjes së trajtimit ose shërbimeve.
13) Të gjitha kontributet janë monitoruar dhe prandaj është e nevojshme që të modifikohen ose hiqen.
14) Në rastin e një vlerësimi online që është qartësisht ngacmues apo me urrejtje, pronari i platformës online duhet të marrë përgjegjësinë që ta fshijë këtë përmbajtje.
15) Ekziston mbrojtje për pohimet mashtruese dhe komentet ofenduese.
16) Dentisti informohet për praninë e të dhënave që lidhen me të dhe për të drejtën e ratifikimit.
17) Dentisti ka të drejtë të kërkojë që të dhënat e tij personale të fshihen nëse politika e përgjithshme që ndiqet nga pronari i website nuk garanton të drejtat dhe lirinë thelbësore të tij.
18) Ka një mundësi për dentistët që të përgjigjen ose t'i kundërshtojnë komentet. Kthimi i përgjigjes në komente duhet të jetë gjithmonë i mundur.
19) Në rastin e informacioneve apo përmbajtjeve me konotacion ngacmues dentisti duhet të marrë menjëherë informacionet e fundit që e lejojnë të mbrojë emrin dhe reputacionin e tij profesional
20) CED inkurajon shoqatat stomatologjike kombëtare që të zhvillojnë instrumente që konfirmojnë përputhjen me platformat e vlerësimeve për kriteret e lartpërmendura.

Mbi këtë temë ka folur edhe Alessandro Conte, koordinator i projektit FNOMCeO "dottoremaèveroche" i cili paralajmëron që platformat të parashikojnë një regjistrim për këmishat e bardha dhe të paguajnë një tarifë periodike regjistrimi për profilin në website, apo për shërbimet që të caktojnë një takim ose për shërbime të tjera shtesë.

Profesionistë, në shumë portale, marrin vlerësime nga pacientët. Është pikërisht ky aspekt i fundit që nxit skepticizmin e ekspertit të Federatave të Urdhrave të Mjekut dhe Stomatologut, pasi vlerësimet kanë të bëjnë për më tepër me profesionin dhe me logjikën mjekësore, mbi të cilat është e vështirë që pacientët të kenë njohuri dhe zotësi.

Përktheu: Valbona Spahia