Radiografitë dhe modelet kthehen në vepra arti

“A bocca aperta”, në Cervia janë dorëzuar imazhet origjinale të skulpturave, kuadrove dhe fotografive artistike

M.Boc

"Gjithçka ka lindur pothuajse si një lojë, me zanafillën nga një bast i vendosur me disa klientë të mi dentistë," - thotë Roberto Bagnolini nga qyteti i Cervia, restaurues dhe promovues profesional i ekspozitës "A bocca aperta", që ka paraqitur imazhe të skulpturave, kuadrove dhe fotografive artistike në ekspozitën e "Private Banking" në Ravenna, qendra ekspozuese në Piazza del Popolo.

Skulptura, kuadro dhe fotografi artistike të kombinuara me shabllone në shkumës dhe grafi dentare. Duke u nisur nga parimi që "gjithçka mund të shndërrohet në vepër arti nëse punohet me një farë optike dhe nëse vlerësohet saktësisht", edhe këto materiale janë transformuar në një suport të përshtatshëm për një vepër "që nuk duhet vetëm të jetë një pjesë arti, por edhe të respektojë materialin stomatologjik."

Në krijimin e këtij kombinimi të çuditshëm kanë kontribuar disi me dyshim, disa artistë të cilët janë edhe miq të Bagnolini dhe janë anëtarë të Shoqatës kulturore Menocchio të Cervia, e së bashku me të ka asistuar edhe i biri Luca, që është impenjuar sidomos në vlerësimin e këtij binomi të çuditshëm. "Pavarësisht nga skepticizmi fillestar për prezantimin e veprave," - tregon ai, - "të gjitha dyshimet janë zhdukur duke favorizuar kuriozitetin."

Në pamje të parë, pohon ai, shablloni godet sidomos me origjinalitetin e tij, por sapo observohet mirë publiku e kupton që nuk bëhet fjalë vetëm për çudira të ekspozuara për argëtim, por për vepra që fshehin një diskutim personal."

Pasi është shfaqur në Cervia në vitin 2018, ekspozita e Ravenna ka qenë e dyta, por janë programuar edhe të tjera ndërkohë që kombinime të tjera të çuditshme po i shtohen serisë. Bagnolini shpreson që gjithnjë e më shumë njerëz të mund të vijnë për ta parë për t'i lejuar vetes një moment shkëputjeje nga jeta e përditshme. Diçka të tillë mund ta bëjë vetëm arti. Disa konsiderata përfshijnë gjithashtu edhe ata që kanë siguruar elementet dentare të binomit.

Vincenzo Maglione, bashkëpronar i një klinike stomatologjike në Savio (Ravenna) tregon se Bagnolini pasi ka përfshirë artistë të ndryshëm në këtë iniciativë i ka kontaktuar për të marrë disa materiale stomatologjike, sigurisht në një kombinim origjinal dhe të pazakontë por që pacientët i kanë vlerësuar shumë. Disa nga veprat janë vendosur në sallën e pritjes së klinikës duke nxitur një vëmendje pozitive dhe kuriozitet te personat që vijnë në klinikë.

Një koment kritik nga pikëpamja sidomos artistike i përket elementit dentar. Në fakt për Maglione, radiografia merr një tjetër jetë duke kaluar nga një mjet i thjeshtë diagnostikues në kanavacë: një sugjerim i hedhur me nuanca artistike të shumta e të ndryshme dhe të admirueshme në ekspozitë.