Kariesi mund të favorizohet edhe nga smogu. Nga eksperti vijnë 5 këshilla sesi mund ta parandalojmë

Dhëmbët nuk dëmtohen vetëm nga sheqernat, kequshqyerja dhe parandalimi jo në nivelin e duhur por edhe nga smogu.
Këtë e ka zbuluar një kërkim i kryer nga Instituti Indian i Edukimit dhe Kërkimit Shkencor në Kalkutë që ka provuar një lidhje midis ndotjes dhe fillimit të kariesit.

Nga studimi del se banorët e qyteteve të mëdha, goja e të cilëve është më e ekspozuar gjatë ditës ndaj niveleve të larta të ndotjes si dioksidi i squfurit ose molekulat acide që vijnë nga makina të vjetra, kaldaja dhe fabrika, kanë mundësi më të mëdha për të zhvilluar kariesin ose patologji të tjera.
Kërkuesit shpjegojnë se kjo vjen sepse substanca të ndryshme të pranishme në ajër shpërbëhen në pështymë duke e bërë atë më acide dhe si pasojë, më të rrezikshme për shëndetin oral.

Duke kërkuar të parandalojë rrezikun, doktor Jacopo Gualtieri, stomatolog i Lucca anëtar i EAO (European Association for Osseointegration), ka dhënë 5 këshilla:
1) Të verifikohet në qytetin ku banoni nëse janë të larta standardet e kontrolleve të cilësisë së ujit dhe ajrit nëpërmjet të dhënave të publikuara online dhe të raportohen anomalitë e mundshme;
2) Në ditët kur ka ndotje në shkallë më të lartë duhet të kufizohet koha e kaluar jashtë dhe të tregohet kujdes që të mos marrim frymë me gojë (mund të përdorni edhe një maskë);
3) Të shmanget marrja e fluorit në masë të madhe;
4) Vizitat e rregullta te dentisti mund të jenë të dobishme për të zbuluar dëmtimet për dhëmbët dhe të kryhet një vlerësim nëse është e nevojshme të zëvendësohen mbushjet e vjetra me mbushje të reja;
5) Nëse dhëmbët nuk kanë dëmtime estetike, mund të riparohen me faseta porcelani ose procedura të tjera më pak invazive.

Burimi: Odontoiatria33

Përktheu: Valbona Spahia