Hipnoza në klinikën dentare: jo vetëm për të hequr frikën

Mund të paraqesë një alternativë të vlefshme ndaj barnave për të favorizuar bashkëpunimin me pacientin ose të zëvendësojë në disa raste sedacionin. Dr. Giuseppe Vignato tregon fuqitë e hipnozës sipas eksperiencës së tij.

Cristina Campanale

Javët e fundit në Itali është përfolur operacioni në tru i një pacienti 69 vjeç që ishte goditur nga hematoma, i kryer në Ospedale di Legnano, duke zëvendësuar anestezinë me hipnozën klinike.
Induksioni hipnotik është përdorur prej kohësh në stomatologji për të favorizuar relaksimin, për të kundërshtuar frikërat dhe ankthet e pacientëve por edhe për të kufizuar përdorimin e barnave dhe anestetikëve dhe kanë qenë të shumtë stomatologët që kanë eksperimentuar çdo ditë përfitimet në klinikën e tyre. Ndërmjet tyre është edhe doktor Giuseppe Vignato, i cili së bashku me ekipin e tij mirëpret dhe trajton në klinikë pacientët më të ndjeshëm duke përfshirë fëmijët dhe "mëson" përdorim e këtyre teknikave me anë të kurseve dhe seminareve.

"Stomatologjia mund të ndeshet me shprehjen pak a shumë të fshehur të shqetësimeve që disa nga pacientët tanë kanë nëpërmjet përdorimit të barnave, ose mund të vendosin të aktivizojnë një kanal komunikimi të ndryshëm, bazuar në njohurinë dhe përdorimin e teknikave hipnotike që ndihmojnë të zhvillohet kjo marrëdhënie besimi me pacientin deri në pikën që ky i fundit të besojë te stomatologu për kurat e nevojshme," - shpjegon për Odontoiatria33 Giuseppe Vignato, bashkëpronar i Clinica Odontoiatrica Dentisti Vignato në Vicenza dhe bashkëthemelues i Ipnomed, një shkollë që ofron kurse të shumta formimi dhe studimi të teknikave hipnotike për profesionistë të ndryshëm të shëndetit.

"Duke njohur teknikat, gjuhën e përshtatshme dhe mënyrat e duhura për të komunikuar me pacientin gjithçka bëhet më e thjeshtë. Ankthi zvogëlohet dhe vetëm në disa raste të veçanta përdoren barnat për ta qetësuar derisa të jetë plotësisht gati për të kryer trajtimin i qetë. Sepse nëse kjo nxitet gjithçka bëhet më e thjeshtë: falë induksionit hipnotik, ankthi zvogëlohet dhe vetëm në raste të veçanta duhen barnat."

Tashmë në përdorim nga shumë qytetërime antike në zona të ndryshme të botës dhe të zbuluar në 1800 nga Franz Anton Mesmer që përzgjodhi vetitë dhe përfitimet terapeutike në volumin e njohur "Mesmerism in India, and its Practical Applications in Surgery and Medicine", pra praktikat hipnotike mund të zbulojnë një instrument të dobishëm për të favorizuar për shembull, relaksimin e një pacienti agofobik apo ndonjë individi që ka të zhvilluar refleksin GAG ose ndryshime të përkohshme të tensionit për shkak të gjendjes së ankthit apo axhitimit. Pacienti sapo qetësohet lejon specialistin dhe pjesën tjetër të stafit që të punojnë me më shumë lehtësi.

"Kur jemi në një situatë mirëqenieje i gjithë mjedisi ynë biologjik dhe neurologjik i brendshëm funksionon shumë mirë; nuk vëmë re ankth dhe kemi më pak frikë," - shton doktor Vignato. Me hipnozën specialisti tenton të riprodhojë pikërisht gjendjen mendore që lidhet me këto kushte duke përdorur të njëjtën kimi si organizmi që shkaktoi emocionet negative. Sigurisht nuk është gjithnjë e thjeshtë dhe ndonjëherë varet nga pacientët, por kërkimi për të zhvilluar një marrëdhënie empatike dhe që i kushton më shumë vëmendje edhe mirëqenies globale të pacientit duhet të jetë një objektiv që duhet kërkuar gjithmonë përtej aspekteve të ndryshme klinike dhe diagnostikuese.

"Por përjashtojmë idenë që praktika e induktimit hipnotik në klinikë nënkupton mësimin e strategjive të komplikuara psikologjike, përdorimin e burimeve të rëndësishme për të kapërcyer hapësirat mendore që nuk janë eksploruar ende ose për të zgjidhur konfliktet me pacientin e ulur në poltron sepse ajo që praktikat hipnotike sugjerojnë për punën stomatologjike," - vijon Vignato, - "është sidomos përshtatja e një gjuhe apo modeli komunikues që zvogëlon distancën mjek-pacient që ushqehet nga paragjykimet, frikërat dhe ankthet, duke i lejuar specialistit që të akordohet me eksperiencën emotive të pacientit për të krijuar një klimë besimi të favorshme për krijimin e asaj aleance terapeutike që është aq vendimtare në përcaktimin e suksesit të trajtimit.

Përktheu: Valbona Spahia