Një stomatologji "miqësore" me mjedisin

Lorenzo Breschi
Bashkëautor: Edoardo Mancuso

Stomatologjia është një profesion që i dedikohet promovimin dhe kujdesit për shëndetin dhe mirëqenien orale.
Për të përmbushur këto qëllime, dentistët përdorin një shumëllojshmëri materialesh dhe pajisjesh. Për fat të keq, ndërmjet këtyre materialeve dhe pajisjeve mund të listojmë edhe substanca si metalet e rënda apo mbetjet biomjekësore dhe plastike që paraqesin sfida të mundshme ndaj mjedisit. Kjo gjë mund të duket si e dyshimtë, por stomatologjia ka një impakt shumë të madh në planetin tonë për shkak të sasive të mëdha të mbetjeve që gjeneron nga procedurat e ndryshme dentare. Për më tepër, shumica e hapave klinikë kërkojnë përdorimin e një sasie masive të ujit dhe elektricitetit. Për këto arsye, koncepti i një stomatologjie më miqësore me natyrën po përhapet në botën dentare dhe po tërheq çdo ditë një numër të madh të praktikantëve dhe industrive që janë të përfshira në këtë fushë.

"Green Dentistry" është një qasje e teknologjisë së lartë që redukton impaktin mjedisor të procedurave dentare dhe përfshin një model shërbimi për stomatologjinë që mbështet dhe ruan mirëqenien. Në fakt, reduktimi i mbetjeve, ndryshimi i modeleve të konsumimit dhe limitimi i sasisë së kimikateve negative që futen me anë të ajrit që thithim në një klinikë dentare janë qëllime reale dhe të arritshme. Riciklimi më vete i letrave dhe gjysmave plastike të qeseve të autoklavës duke përdorur radiografitë dixhitale në vend të filmit tradicional të bazuar te rrezet X, duke adoptuar dezinfektantë dhe pastrues të biodegradueshëm e jotoksikë për sipërfaqet apo duke vendosur llambat LED në vend të llambave halogjene, janë vetëm disa nga metodat për të reduktuar stomatologjinë "me gjurmë karboni". Një praktikë dentare miqësore me natyrën nuk duhet të jetë thjesht një përpjekje për t'u ndjerë mirë.

Bota shkencore tashmë ka demonstruar një evidencë mbivlerësuese mbi ndryshimet globale të klimës dhe një kapacitet të fundëm të ekosistemit të planetit tonë për të absorbuar më tej shkarkimin dhe degradimin. Duke marrë në konsideratë që shumica e klinikave dentare janë private apo zotërohen nga një dentist i vetëm që nuk ka avantazhe financiare dhe fonde për të investuar në praktikat miqësore me natyrën, zgjedhja për të shkuar drejt një "green dentistry" është lënë kryesisht në ndërgjegjen e vetë dentistëve.

Për këtë arsye, nevojiten më shumë kërkime që të gjenden alternativat me kosto efektive mjedisore për praktikat dentare në mënyrë që të reduktohet impakti në planetin tonë.

Përktheu: Valbona Spahia