Website i klinikës dentare me fotografi "të gjetura" në internet: nuk është e ligjshme

Gjykata Evropiane e Drejtësisë ka vendosur që duhet kërkuar gjithmonë autorizimi i fotografit edhe pse fotografitë mund të jenë të publikuara në internet

Nor. Mac.

Sipas një vendimi të fundit të marrë nga Gjykata Evropiane e Drejtësisë "përdoruesit e internetin duhet të kërkojnë gjithmonë autorizimin e fotografit përpara se të publikojnë një imazh të fotografuar nga ai, edhe nëse ato gjenden lehtësisht në faqe të tjera online". Gjykata më e lartë e BE-së sqaron me një komunikim se "publikimi në një website i një fotografie që është publikuar më herët në një website tjetër me lejen e fotografit kërkon një autorizim të ri nga ana e tij" dhe kjo nuk është e nevojshme të mbahet mend nëse personi që ka të drejtën e autorit e kufizon përdorimin e fotografisë në mënyrë që ajo të mos qarkullojë lirisht në internet.

Gjyqtarët kanë kujtuar se "çdo përdorim i një vepre nga palë të treta pa të drejtën e autorit duhet të konsiderohet si një dhunim i të drejtës së autorit për atë vepër". Dhunim, që mund të jetë i vlefshëm edhe nëse kopjohet një tekst i një artikulli ose riprodhohet një dokument i realizuar nga të tjerë.

Çështja që është dërguar në Gjykatën e Drejtësisë nuk ka pasur të bëjë specifikisht me website e një klinike dentare por me rastin që ka përfshirë një shkollë në Gjermani. Për një projekt shkollor, një student kishte shkarkuar dhe përdorur një fotografi nga një website, foto që më pas është publikuar në website e vetë shkollës. Fotografi që kishte shkrepur fotografinë, ka treguar se shkolla ka shkelur të drejtën e autorit sepse fotografia i ishte dhënë për përdorim website nga e ka shkarkuar studenti. Shkolla është detyruar të paguajë për të drejtën e autorit.

Sigurisht që qëndron ende opsioni që të mos "zbuloheni", por në ditët e sotme ka shumë sisteme për të verifikuar nëse një fotografi që ka shitur dikush është përdorur edhe në website të tjera dhe vetë Google ka vënë një sistem në dispozicion. Nuk janë të rralla edhe rastet kur një relator gjen shkrimet e tij nëpër website-t e klinikave dentare.

Prandaj nëse ju duhen imazhe për të plotësuar faqen e uebit të klinikës apo blog-un e saj, në rrjet mund të gjeni edhe shumë website që vënë në dispozicion fotografi pa pagesë.

Përktheu: Valbona Spahia