Dezinfektantët efikasë për koronavirusin dhe kontaminimin e sipërfaqeve

Koronavirusi mund të qëndrojë në sipërfaqet e objekteve në temperaturë ambienti deri në nëntë ditë, por nuk është shumë rezistent dhe me detergjente dezinfektues mund të eliminohet. Kjo ka rezultuar nga një rishikim i studimeve të publikuara në Journal of Hospital Infection të nxjerrë nga ISS me saktësimet e duhura për koronavirusin 2019-nCoV: rruga e transmetimit është kryesisht ajo respiratore dhe jo nga sipërfaqet e kontaminuara.

Ekipi i kërkuesve të University Medicine Greifswald, në Gjermani, ka rishikuar literaturën shkencore që ka informacione mbi persistencën e koronavirusit human dhe te kafshët mbi sipërfaqet e objekteve dhe mbi strategjitë e mundshme të inaktivizimit nëpërmjet detergjenteve me bazë zbardhuese ose dezinfektuese me përbërje alkooli dhe uji të oksigjenuar, normalisht të përdorur për dezinfektimin kimik të strukturave shëndetësore.
Analiza, e kryer në një total prej 22 studimesh ka zbuluar se koronavirusi (ashtu si sindroma akute respiratore e rëndë [SARS] dhe sindroma respiratore e Lindjes së Mesme [MERS]) mund të qëndrojë në sipërfaqe si metali, xhami apo plastike dhe të jetë në gjendje për të infektuar për maksimumi 9 ditë, duke mbijetuar mesatarisht për 4-5 ditë.
"Temperaturat e ulëta dhe lagështia e lartë në ajër rritin kohëzgjatjen e tij," - ka afermuar Günter Kampf nga instituti i Higjienës dhe mjekësisë mjedisore në Spitalin universitar të Greifswald. Koronavirusi mund të eliminohet në mënyrë efikase përreth një minutë duke dezinfektuar sipërfaqet me alkool etilik (etanol në 62-71%), ujë të oksigjenuar (peroksid hidrogjeni në 0,5%) ose zbardhues (hipoklorur natriumi në 0,1%).

"Si rregull, kjo është e mjaftueshme për të reduktuar në mënyrë të konsiderueshme riskun e infeksionit." - shpjegon Kampf, - "Virusi mund të përhapet nëpërmjet duarve dhe sipërfaqeve që preken shpesh; në spitale për shembull mund të jenë dorezat e dyerve, por edhe pulsantët që shtypen kur kërkohet ndihma e mjekut, komodinat apo objektet e tjera që ndodhen pranë pacientëve." Ekspertët supozojnë se rezultatet e analizave të kryera mbi koronavirusin janë të transferueshme edhe te virusi i ri kinez, pasi siç shpjegon Eike Steinmann (shef në departamentin e virologjisë molekulare dhe mjekësore të Ruhr-Universität Bochum) janë analizuar koronaviruse të ndryshme dhe rezultatet ishin të ngjashme.

Faq e ISS mbi koronavirusin dhe sipërfaqet
Pas kësaj meta-analize, Gianni Rezza, drejtor i Departamentit të sëmundjeve infektive të ISS paralajmëron: "Nuk duhet që të krijohet një alarm nga studimi gjerman sipas të cilit është thënë se koronavirusi i ri mund të jetojë nëpër sipërfaqe deri në 9 ditë. Ky element, që ende duhet të demonstrohet është kryer te koronaviruset e tjera dhe jo tek ai kinez e nuk ka ndonjë ndryshim në përmbajtjen e hershme të epidemisë. Nga sa njohuri kemi në lidhje me sëmundjet infektive respiratore të mëparshme, MERS dhe SARS, në fakt koronavirusi i ri transmetohet shumë më shpejt dhe rruga e transmetimit që preket më shumë është ajo respiratore dhe jo ajo nga sipërfaqet e kontaminuara. Sidoqoftë duhet mbajtur mend që ka rëndësi një higjienë e saktë e sipërfaqeve të objekteve por edhe e duarve. Edhe përdorimi i detergjenteve me bazë alkooli është i mjaftueshëm për të mbytur virusin."

Instituti i Lartë i Shëndetësisë (ISS), ka publikuar disa opsione nga Faq për t'ju përgjigjur pyetjeve kryesore mbi koronavirusin dhe sipërfaqet:

a) Alkooli është efikas për dezinfektimin e sipërfaqeve?
Po, dezinfektantët që përmbajnë alkool (etanol) në 75% janë efikasë për të shkatërruar virusin mbi sipërfaqet e ndryshme.

b) Produktet zbardhuese (ACE) janë efikase për dezinfektimin e sipërfaqeve të objekteve dhe dyshemeve?
Dezinfektantët me bazë klori 1% janë në gjendje që të dezinfektojnë sipërfaqet duke shkatërruar virusin.

c) Larja e duarve shërben vërtet për të parandaluar infektimin me koronavirus?
Larja e duarve dhe dezinfektimi i tyre janë veprimet kryesore që duhen bërë për të parandaluar infeksionin. Duart duhet të lahen shpesh dhe me kujdes me ujë dhe sapun për të paktën 20 sekonda. Nëse nuk kemi ujë dhe sapun, është e mundur që të përdoret edhe një dezinfektues për duart me bazë alkooli me të paktën 60% alkool. Virusi futet në trup nga sytë, hunda dhe goja prandaj duhet shmangur prekja me duar të palara.

Përktheu: Valbona Spahia