Këndimi koral si mënyrë riedukimi logopedik dhe miofunksional në fëmijëri

Një kërkim italian paraqet një protokoll të ri klinik të quajtur Choral Kids të bazuar në një trajtim logopedik dhe miofunksional që aplikohet nëpërmjet leksioneve të këngës që i janë shpërndarë fëmijëve

Në literaturë studime të ndryshme tregojnë efektet pozitive të këndimit koral në degë të ndryshme të mjekësisë: te zemra dhe tek aparati kardioqarkullues në rregullimin dhe sinkronizimin e respirimit, si edhe në fushën psikiatrike dhe në rastet e autizmit.

Në vitet '80 një kontribut i rëndësishëm është dhënë nga Lorraine Raming e Universitetit të Colorado në fushën e rehabilitimit të mënyrës së të shprehurit te pacientët e sëmurë me Parkinson. Teknika logopedike që u zhvillua dhe mori patentë është përdorur gjithnjë te të sëmurët me Parkinson duke transformuar protokollin origjinal të edukimit vokal në formë korale.

Ideja e zbatuar te të sëmurët me Parkinson ishte zhvilluar më parë te të sëmurët me Alzheimer duke theksuar efektin konjitiv në vend të gjuhës. Efektet e kantoterapisë janë observuar, për më tepër qoftë nga pikëpamja psikologjike qoftë nga ajo neuropsikiatrike duke u ndeshur me vlerën edukative dhe formative për socializimin dhe përmirësimin e autostimës.

Literatura ka mungesa të studimeve specifike mbi potencialin e kantoterapisë në rehabilitimin e të folurit dhe gëlltitjes atipike në fëmijëri. Në ditët e sotme trajtimi logopedik dhe miofunksional mund të rezultojë me rëndësi thelbësore në fazën e hershme interceptive.

Një riedukim i thjeshtë i gëlltitjes atipike dhe posturës së saktë linguale në fakt mund të përcaktojë një korrigjim të kafshimit dhe të rivendosin një raport të saktë maksilo-mandibular edhe pa ndihmën e pajisjeve ortodontike konstriktive ose riedukuese. Në fakt, mimika dhe toniciteti muskular kanë rëndësi në zhvillimin e aparatit stomatognatik deri në pikën që kompetenca labiale dhe gëlltitja në mënyrën e duhur duket se luajnë një rol të rëndësishëm në raportin inter-inciziv.

Në artikullin që është publikuar në maj në revistën Dental Cadmos, autorët Francesca Romana Dimaggio, Francesca Poletti, Alessandro Nota dhe Simona Tecco paraqesin një protokoll të ri klinik të quajtur Choral Kids, të bazuar në një trajtim logopedik dhe miofunksional të aplikuar nëpërmjet leksioneve të këndimit në grup për fëmijët me moshë nga 3 deri në 6 vjeç.

Ky protokoll paraqet një mundësi të shkëlqyer për të rehabilituar problematikat si zakonet e këqija dhe vështirësitë fonetike, që mund të nxisin ose të stabilizojnë problematikat okluzale si kafshimi i hapur dhe kafshimi i kryqëzuar anterior, të cilët janë të vështirë për tu zgjidhur në një moshë më të madhe.

Dokumentacioni diagnostikues fillestar për individët ku duhet zbatuar protokolli konsiston vetëm në video për vlerësimin e të folurit dhe fotografi të buzëqeshjes. Për më tepër, kryhet një vlerësim ortodontik dhe logopedik për të përcaktuar raportet okluzale (klasa e Angle), inter-incizive (overbite dhe overjet) dhe aspektet funksionale.

Protokolli Choral Kids, i studiuar dhe zhvilluar me një specialist logopedie dhe i zbatuar nga profesori që drejton korin, përdor këngë dhe ritme që lejojnë përdorimin e fonemave të vendosura për riedukimin e posturës së saktë linguale dhe riedukimit miofunksional orofacial. Pra pacientëve të vegjël i është dhënë një leksion këngësh, me sekuenca kënge me shumë ritëm të dobishme për qëllimet logopedike.

Të gjitha seksionet janë zhvilluar në grup me qëllim që të jetë si një lojë për pacientët e vegjël dhe në fillim të çdo leksioni është kryer një fazë nxehjeje me ushtrime respiratore dhe posturale, ndërsa gjatë gjithë leksionit përdoret lojëra me ritëm dhe lëvizje, për të përmirësuar koordinimin dhe lojëra të mimikës faciale.

Për çdo tipologji ushtrimi është kryer një përpunim nga ekipi ndërmjet logopedistit, ortodontistit dhe profesorit të korit për një këngë të përshtatshme, duke u ndalur për shembull: te postura e duhur e gjuhës në shkronjën "T"; te konsolidimi i "R"; te rrokjet "LA LE LI LO" dhe te zgjatja e shkronjës "N" për rezonancën dhe shkronjave "L" e "M" për disfoninë.

Protokolli bazë parashikon pra një kurs kënge për gjashtë muaj me seksione njëherë në javë për 45 minuta dhe me monitorim ortodontiko-logopedik çdo tre muaj.

Për më tepër:
Dimaggio FR, Poletti F, Nota A, Tecco S. Il canto corale come mezzo di rieducazione logopedica e miofunzionale in età precoce. Dental Cadmos 2019;87(5):272-8.

Përktheu: Valbona Spahia