Koronavirusi, rekomandimet për klinikën dentare

Gjashtë "rekomandime" janë dhënë nga Ministria e Shëndetësisë në Itali, janë përhapur nga ANDI dhe janë përputhur me mendimet e Komisionit të Regjistrit të Stomatologëve, Shoqatën Italiane të Stomatologëve dhe Fondacionin ANDI Onlus për të parandaluar infektimin me koronavirus.

Duke kujtuar që njohuritë shkencore për virusin dhe evoluimin e tij klinik janë në përditësim të vazhdueshëm, dokumenti na rikujton se virusi transmetohet kryesisht pas kontakteve të ngushta dhe të zgjatura ndërmjet njerëzve.

Simptomat kryesore janë temperatura, kolla, vështirësitë respiratore, dhimbjet muskulare dhe dhimbja e fytit.

Këto indikacione janë treguar për parandalimin e infektimit me Koronavirus COVID-2019, si "metodat e parandalimit", duke lexuar që sindikatat dhe CAO i konsiderojnë "më efektive pa pasur alarme të panevojshme dhe madje të rrezikshme".

1. Përfshirja e anamnezës mjekësore pas kërkesës për të evidentuar udhëtimet e fundit në zonat që janë subjekt i karantinave ose frekuentimi me persona që vijnë nga këto zona.
2. Ajrosja e sallave gjithmonë gjatë shkëmbimeve nga njëri pacient te tjetri dhe herë pas here edhe të sallës së pritjes.
3. Përdorimi i DPI (pajisje të mbrojtjes individuale) në mënyrë konstante ndërkohë që po punohet dhe pretendohet vëmendja maksimale në përdorimin e DPI nga ana e personelit mjekësor dhe shëndetësor.
4. Larja e duarve për të paktën 20 sekonda. Veprimi i larjes së duarve duhet të kryhet përpara përdorimit të dezinfektantit.
5. Pastrimi i sipërfaqeve të kontaktit klinik (sipërfaqet që preken më shpesh si butonat dhe dorezat) gjithmonë gjatë ndërrimit të pacientëve dhe të mbulohen me pajisje që të ndërrohen pas çdo pacienti.
6. Vënia në dispozicion e një dezinfektuesi me alkool për pacientët dhe shoqëruesit e tyre në hyrje dhe të ftohen për të pastruar duart përpara se të ulen.

Përktheu: Valbona Spahia