Shoqata Amerikane Dentare ka nxjerrë një njoftim për dentistët mbi sëmundjen e Koronavirusit

Simona Chirico

Indikacionet e publikuara nga Shoqata Dentare Amerikane (ADA) në website-in e saj për të ndihmuar në parandalimin e transmetimit të Koronavirusit janë si më poshtë.
Pacientët me një sëmundje respiratore mund të kërkojnë trajtim në një mjedis dentar. ADA rekomandon që të ndiqen masat paraprake standarde me të gjithë pacientët në çdo kohë. Ashtu si pacientët e tjerë me gjendje gripale edhe pacientët me COVID-19 kanë raportuar simptoma mesatare apo të rënda si temperatura, kolla apo shkurtimi i frymëmarrjes. Ata mund të kenë udhëtuar edhe drejt Kinës apo vendeve të tjeratë prekura nga ky virus ose të kenë pasur kontakt të ngushtë me dikë që ka udhëtuar në këto vende gjatë 14 ditëve të fundit.

Personeli dentar duhet të paralajmërohet dhe të identifikojë pacientët me një sëmundje respiratore akute kur ata paraqiten në klinikë, t'i japin atyre një maskë kirurgjikale dhe t'i izolojnë në një dhomë ku mund të qëndrojë vetëm një pacient me derën mbyllur duke qëndruar kështu larg pacientëve të tjerë dhe personelit. Pacientët e izoluar duhet të mbajnë maskën edhe jashtë dhomës.
Për të ndihmuar parandalimin e transmetimit të të gjitha infeksioneve respiratore, praktikat dentare duhet të zbatojnë masat për higjienën respiratore/infeksionet nga kollitja, siç është ruajtja e higjienës së duarve duke mos prekur pacientët dhe duke mos kryer shtrëngimin e duarve si edhe duke i dhënë një maskë pacientëve që kolliten. Klinikat duhet të ndjekin edhe strategjitë e dezinfektimit dhe rutinën e pastrimit gjatë sezonit të gripit.

Presoneli dentar që ndihmon një pacient me simptoma të ngjashme me gripin ose sëmundje të tjera respiratore duhet të ketë një maskë kirurgjikale, doreza sterile, veshje dhe syze mbrojtëse për të parandaluar eskpozimin. Për shkak se rekomandimet për COVID-19 mund të ndryshojnë duke qenë se informacionet rreth kësaj sëmundjeje përditësohen, ADA sugjeron kontrollimin për përditësimet në faqen e CDC për kontrollin nga infektimi me Koronavirus për profesionistët e kujdesit shëndetësorë.

CDC rekomandon të gjithë punonjësit e shëndetit, duke përfshirë dentistët dhe stafin e klinikës që nëse kanë simptoma të ngjashme me gripin nuk duhet të paraqiten në punë.

Për më tepër:
https://www.ada.org/en/publications/ada-news/2020-archive/february/ada-releases-coronavirus-handout-for-dentists-based-on-cdc-guidelines

Përktheu: Valbona Spahia