COVID-19: Udhëzimet për stomatologët

Bashkëautor: L. Breschi
Edoardo Mancuso

Sëmundja epidemike koronavirus 2019 (COVID-19) është kthyer në një sfidë madhore e shëndetit publik për të gjithë planetin. Organizata Botërore e Shëndetësisë pas vlerësimit të saj e ka cilësuar COVID-19 si një pandemi.
Që nga 16 marsi, COVID-19 është njohur në më shumë se 100 vende, me një total prej 732,199 raste të konfimuara dhe 34,086 vdekje (WHO 2020). Është cituar se transmetimi ndërpersonal i virusit dhe ndodh kryesisht me anë të spërklave respiratore dhe kontaktit. Prandaj, për shkak të karakteristikave të mjedisit dentar, stomatologët janë në risk të lartë infektimi.
Së fundmi, Z. Bian dhe ekipi i tij kanë publikuar një studim të vlefshëm në Journal of Dental Research, duke synuar që të ofrojnë udhëzime dhe rekomandime për profesionistët dhe studentët e stomatologjisë në lidhje me shpërthimin e COVID-19.

Rekomandimi i parë në artikull është që stomatologët duhet të kenë masa strike për mbrojtjen personale dhe të shmangin ose minimizojnë veprimet që mund të prodhojnë spërkla ose aerosole, duke përdorur digat e gomës kur është e mundur apo edhe aspiratorët e pështymës me vëllim të lartë.
Për më tepër OBSH ka deklaruar se SARS-CoV-2 mund të persistojë në sipërfaqe nga disa orë deri në disa ditë dhe kjo e përforcon nevojën për një higjienë të mirë të duarve dhe rëndësinë e dezinfektimit të të gjitha sipërfaqeve duke implementuar përdorimin e pajisjeve mbrojtëse personale, që përfshijnë maskat, dorezat dhe syzet apo mbrojtëset e fytyrës.
Duke qenë se spërklat janë rruga kryesore e transmetimit të SARS-CoV-2, Prof. Bian sugjeron që respiratorë të veçantë (FFP2-maskat standarde të vendosura nga Bashkimi Evropian) duhet të përdoren për rutinën e praktikës dentare.
Duke u fokusuar në praktikat dentare, njofitmi rekomandon që të trajtohen vetëm emergjencat dentare dhe të përshtaten masa për parandalimin e infeksionit dhe kontrollin e masave.

Klinikat dentare janë këshilluar që të përdorin shpëlarës pre-operativë antimikrobialë, që mund të reduktojnë numrin e mikrobeve në kavitetin oral dhe të vendosin kritere përzgjedhjeje që të matin dhe regjistrojnë temperaturën e çdo personi në staf apo pacienti si një procedurë rutinë.
Njoftimi pëfundon me renditjen e disa rekomandimeve për edukimin dentar, duke këshilluar përshtatjen e literaturave online, tutoriale për studimin e rasteve dhe mësimin e bazuar te problemi për të shmangur grumbullimin e panevojshëm të njerëzve dhe riskun për infektim që lidhet me këto grumbullime.
Si përfundim, ne besojmë se në këtë situatë është thelbësore që të vazhdojmë kërkimin dhe publikimet mbi COVID-19 e të krijojmë diskutime të mëtejshme sesi të përmirësojmë strategjitë e kontrollit të infeksionit por edhe sesi të përgjigjemi ndaj sëmundjeve infektive të ngjashme me të në të ardhmen.

Për më tepër: Coronavirus Disease 2019 (COVID-19): Emerging and Future Challenges for Dental and Oral Medicine

Përktheu: Valbona Spahia