Stomatologët evropianë në luftën kundër COVID-19

Landi (CED): i kërkojmë BE-së të ndërhyjnë për të zbutur impaktin afatgjatë të COVID-19 në disponibilitetin e kurave orale në të gjithë Evropën duke mbështetur stomatologët

Lorena Origo

Me një numër shtetesh që po rritet gjithnjë e më shumë, që limitojnë shërbimet stomatologjike, në të gjithë Evropën, stomatologët po kontribuojnë në përpjekjet për të limituar difuzionin e sëmundjes së re nga koronavirusi (COVID-19), duke përmbushur detyrimet e tyre për kurimin e pacientëve të tyre, duke ndaluar transmetimin e virusit.

Duke qenë se trajtimet dentare krijojnë kushte që favorizojnë në mënyrë të veçantë transmetimin, kjo kërkon respektimin e protokolleve të kontrollit të infeksioneve ekzituese dhe të reja për të mbrojtur pacientët, anëtarët e stafit dhe vetë stomatologët, edhe duke përdorur pajisje mbrojtëse të përshtatshme që në shumë vende po pakësohen çdo ditë e më shumë.
Aty ku lejohet nga normativa kombëtare, stomatologët mbështesin sistemet shëndetësore duke marrë përsipër shërbimet e emergjencës spitalore në fushën e shëndetit oral, duke trajtuar rastet urgjente që në një situatë tjetër do i drejtoheshin spitaleve.

"Kriza COVID-19 ka treguar qartë nevojën për një bashkëpunim ndërkombëtar në shëndetin publik, një rol të madh të BE-së në politikën shëndetësore dhe në investimet e shëndetit në të gjitha nivelet," - ka komentuar Marco Landi, president i Council of European Dentistry.
Landi përmbyll duke thënë se janë të gatshëm të ndërmarrin detyra të tjera nëse është e nevojshme që të ndihmojnë pacientët dhe komunitetin. Por i është kërkuar BE-së dhe shteteve anëtare që të ndërhyjnë për të zbutur impaktin afatgjatë të COVID-19 në disponueshmërinë e kurave orale në të gjithë Evropën për të mbështetur stomatologët, duke përfshirë ata që punojnë në klinika private, derisa të shfrytëzojnë intrumentet e parashikuara për të mbështetur emergjencat dhe për të pasur akses në financimet e disponueshme në nivelin evropian." - përfundon Landi.

Përktheu: Valbona Spahia